തിരുവനന്തപുരം: തിരുവനന്തപുരം കഠിനംകുളത്ത് കോണ്‍വെന്റ് ഹോസ്റ്റലില്‍ കടന്ന് പ്രായപൂർത്തിയാകാത്ത പെൺകുട്ടികളെ പീഡനത്തിനിരയാക്കി. സംഭവത്തിൽ നാല് യുവാക്കളെ പോലീസ് അറസ്റ്റ് ചെയ്തു. വലിയതുറ സ്വദേശികളായ മെഴ്‌സൺ, രഞ്ജിത്ത്, അരുൺ എന്നിവരാണ് പിടിയിലായത്. ബുധനാഴ്ച രാത്രിയിലാണ് സംഭവം നടന്നത്.
പ്രതികളുടെ അറസ്റ്റ് രേഖപ്പെടുത്തിയിട്ടില്ല. കോണ്‍വെന്റിന്റെ മതില്‍ ചാടി മൂന്നുപേരും പെണ്‍കുട്ടികള്‍ താമസിക്കുന്ന ഹോസ്റ്റല്‍ മുറിയിലേക്ക് കയറി മദ്യം നല്‍കി പീഡിപ്പിച്ചു എന്നാണ് പരാതി.
മൂന്ന് പെൺകുട്ടികളാണ് പീഡനത്തിനിരയായത്. പെൺകുട്ടികളുടെ സുഹൃത്തുക്കളാണ് അറസ്റ്റിലായതെന്ന് പൊലീസ് പറയുന്നു. രാത്രി മഠത്തിൽ വന്ന് മടങ്ങുന്നതിനിടെ യുവാക്കളെ പോലീസ് കസ്റ്റഡിലെടുക്കുകയായിരുന്നു. മൂന്ന് മാസം മുൻപാണ് ഇവർ കന്യാസ്ത്രീ മഠത്തിലെത്തിയത്.
ചോദ്യം ചെയ്യലിലാണ് പ്രായപൂർത്തിയാകാത്ത കുട്ടികളെ പീഡിപ്പിച്ച വിവരം അറിയുന്നത്. മദ്യം നൽകി പീഡിപ്പിച്ചു എന്നാണ് പെൺകുട്ടികളുടെ പരാതി. സംഭവത്തിൽ പോക്‌സോ പ്രകാരം കഠിനംകുളം പോലീസ് കേസെടുത്തിട്ടുണ്ട്.
