അബ്ദുള്ള മേപ്പയ്യൂർ സ്മാരക പ്രഥമ സാഹിത്യ പുരസ്കാരം ഡോ.സോമൻ കടലൂരിന്

മേപ്പയ്യൂർ: പ്രമുഖ യുക്തിവാദി നേതാവും ന്യൂമോണിക് ഹിപ്നോട്ടിക് ട്രെയിനറുമായിരുന്ന അബ്ദുള്ള മേപ്പയൂരിൻ്റെ ഓർമ്മയ്ക്കായി ഏർപ്പെടുത്തിയ പ്രഥമ സാഹിത്യ പുരസ്കാരത്തിന് പ്രശസ്ത കവിയും പ്രഭാഷകനുമായ ഡോ. സോമൻ കടലുരിനെ തെരഞ്ഞെടുത്തു.

ഒക്ടോബർ 9 ഞായറാഴ്ച വൈകീട്ട് 4 മണിക്ക് മേപ്പയ്യൂർ വ്യാപാരഭവൻ ഓഡിറ്റോറിയത്തിൽ നടക്കുന്ന അബ്ദുള്ള മേപ്പയ്യൂർ അനുസ്മരണ സമ്മേളനത്തിൽ പുരസ്കാരം വിതരണം ചെയ്യും. ഈ വർഷം നീറ്റ് പരീക്ഷയിൽ ദേശീയ തലത്തിൽ മികച്ച വിജയം കൈവരിച്ച ആവള സ്വദേശി സ്വാതി ശ്വേതയെ ചടങ്ങിൽ അനുമോദിക്കും.

ഇ കെ വിജയൻ എം എൽ എ ഉദ്ഘാടനം ചെയ്യും. സാംസ്കാരിക രാഷ്ട്രീയ മേഖലകളിൽ പ്രമുഖർ പങ്കെടുക്കും. പുരസ്‌കാരവിതരണം ഒക്ടോബർ 9വൈകീട്ട് 4 മണിക്ക് മേപ്പയൂരിൽ ഇ കെ വിജയൻ എം എൽ എ നിർവഹിക്കും.