ഉള്ളിയേരി : ഗ്രാമപ്പഞ്ചായത്ത് ആറാംവാർഡിലെ കിഴക്കേ അരുമ്പമല കോളനി ജലപദ്ധതിയുടെ ടാങ്കിലേക്ക് വെള്ളമെത്തുന്ന പൈപ്പ് കൊയിലാണ്ടി-മുക്കം സംസ്ഥാനപാത നവീകരിച്ചപ്പോൾ തകരാറിലായതോടെ 65 വീട്ടുകാർ ആശ്രയിക്കുന്ന പദ്ധതിയിൽ ജലവിതരണം മുടങ്ങി.പമ്പിങ് നിലച്ചിട്ട് 12 ദിവസമായി. പൈപ്പ് ലൈനിന്റെ തകരാറിലായ ഭാഗം സംസ്ഥാനപാതയിലായതുകൊണ്ട് ജലവിതരണചുമതലയുള്ള കമ്മിറ്റിക്ക്‌ പ്രശ്നം പരിഹരിക്കാൻ കഴിയുന്നില്ല.
രൂക്ഷമായ ജലക്ഷാമമാണ് 65 വീട്ടുകാർ നേരിടുന്നത്. ഇതിൽ 35 വീട്ടുകാർ കോളനി നിവാസികളാണ്. വളരെ ഉയരത്തിലായതിനാൽ പ്രദേശത്ത് കിണറുകളില്ല. പദ്ധതിയിൽപ്പെടുന്ന കണ്ണച്ചികണ്ടിഭാഗത്തുള്ള ഒമ്പതു വീടുകളിലും കിണറില്ല. സ്ത്രീകളും കുട്ടികളും താഴെ കിണറുകളുള്ള വീടുകളിൽ പോയി തലച്ചുമടായി വെള്ളം കൊണ്ടുവരികയാണ്.
Comments
