രാജ്യത്തെ അസംഘടിത തൊഴിലാളികളുടെ വാർദ്ധക്യ സംരക്ഷണത്തിനും സാമൂഹിക സുരക്ഷയ്ക്കും വേണ്ടിയുള്ള കേന്ദ്ര സർക്കാർ പദ്ധതിയാണ് പ്രധാൻ മന്ത്രി ശ്രം യോഗി മാൻ-ധൻ യോജന.ഇന്ത്യാ ഗവൺമെൻ്റ് അസംഘടിത തൊഴിലാളി വിഭാഗങ്ങൾക്കു വേണ്ടി ആവിഷ്കരിച്ച പദ്ധതിയാണിത്. ഇതിൽ പ്രധാനമായും റിക്ഷാ വലിക്കുന്നവർ, ചുമട്ടുതൊഴിലാളികൾ, തെരുവ് കച്ചവടക്കാർ, ഉച്ചഭക്ഷണ ജീവനക്കാർ, ഇഷ്ടിക ചൂളകളിൽ ജോലി ചെയ്യുന്നവർ, ചെരുപ്പ് കുത്തുന്നവർ, തുണി എടുക്കുന്നവർ, വീട്ടുജോലിക്കാർ, അലക്കുകാർ, വീട്ടുജോലിക്കാർ, കർഷക തൊഴിലാളികൾ, നിർമാണത്തൊഴിലാളികൾ, ബീഡി തൊഴിലാളികൾ, കൈത്തറി തൊഴിലാളികൾ, തുകൽ തൊഴിലാളികൾ, ഓഡിയോ വിഷ്വൽ തൊഴിലാളികൾ അല്ലെങ്കിൽ സമാനമായ മറ്റ് തൊഴിലുകളിൽ ഏർപ്പെടുന്നവർക്കും പദ്ധതിയിൽ അപേക്ഷിക്കാം.
18 വയസ്സ് മുതൽ 40 വയസ്സ് വരെയുള്ള 15,000 രൂപക്ക് താഴെ വരുമാനമുള്ളവർക്കാണ് പ്രയോജനം ലഭിക്കുന്നത്. മാസംതോറം 3000 രൂപയാണ് പെൻഷൻ ലഭിക്കുന്നത്. പദ്ധതിയിൽ അംഗമാവുന്ന അന്നുമുതൽ 60 വയസ്സ് പൂർത്തിയാകുന്നതുവരെ പ്രതിമാസ വിഹിതം അടക്കണം. 60 വയസ്സ് മുതലാണ് ഗുണഭോക്താക്കൾക്ക് പ്രതിമാസ പെൻഷൻ ലഭിക്കുക. പദ്ധതിയിൽ അംഗമായ വ്യക്തി മരണപ്പെടുകയോ അംഗത്തിന് സ്ഥിര വൈകല്യം സംഭവിക്കുകയൊ ചെയ്താൽ ജീവിത പങ്കാളിക്ക് വിഹിതം അടച്ച് പദ്ധതിയിൽ തുടരാൻ സാധിക്കും.മാസവരുമാനം 15,000 രൂപയോ താഴെയോ ആയിരിക്കണം.
പദ്ധതിയിൽ അംഗങ്ങളാവാൻ താൽപര്യമുള്ളവർ അടുത്തുള്ള കോമൺ സർവ്വീസ് സെന്റർ സന്ദർശിക്കണം. ഇ.എസ്.ഐ.സി, ഇ.പി.എഫ്.ഒ, എൽ.ഐ.സി ബ്രാഞ്ച് ഓഫീസുകൾ, എല്ലാ കേന്ദ്ര – സംസ്ഥാന ലേബർ ഓഫീസുകൾ എന്നിവിടങ്ങളിൽ നിന്നും വിവരങ്ങൾ ലഭിക്കും.
പദ്ധതിയിൽ ചേരുന്ന തീയതി മുതൽ 60 വയസ്സ് വരെ അവരുടെ സേവിംഗ്സ് ബാങ്ക് അക്കൗണ്ട് അല്ലെങ്കിൽ ജൻ-ധൻ അക്കൗണ്ടിൽ നിന്ന് ‘ഓട്ടോ-ഡെബിറ്റ്’ സൗകര്യം വഴി. അദ്ദേഹത്തിന്റെ പെൻഷൻ അക്കൗണ്ടിൽ കേന്ദ്ര സർക്കാരും തുല്യമായ സംഭാവന നൽകും.
കൂടുതൽ വിവരങ്ങൾക്ക് : 75939 50992
