ഇടുക്കിയിൽ 50 വയസുകാരിയെ ക്രൂരമായി ബലാത്സം​ഗം ചെയ്ത് കൊലപ്പെടുത്തിയ കേസ്; പ്രതി 12 വർഷത്തിന് ശേഷം പിടിയിൽ

ഇടുക്കിയിൽ 50 വയസുകാരിയെ ക്രൂരമായി ബലാത്സം​ഗം ചെയ്ത് കൊലപ്പെടുത്തിയ കേസിലെ പ്രതി 12 വർഷത്തിന് ശേഷം പിടിയിൽ. കൽകൂന്തല്‍ ഈട്ടിത്തോപ്പ് സ്വദേശി ഗിരീഷാണ് പിടിയിലായത്. പ്രതിയുമായി ക്രൈംബ്രാഞ്ച് സംഘം സ്ഥലത്തെത്തി തെളിവെടുപ്പ് നടത്തി.

2008 ലായിരുന്നു കേസിനാസ്പദമായ സംഭവം. കാഞ്ചിയാർ കൈപ്പറ്റയിൽ 50 വയസുള്ള കുഞ്ഞുമോളെ പ്രതി ​ഗിരീഷ് ക്രൂരമായി ബലാത്സം​ഗം ചെയ്ത് കൊലപ്പെടുത്തുകയായിരുന്നു. ലോക്കല്‍ പൊലീസിന്റെ അന്വേഷണത്തില്‍ പ്രതിയെ പിടികൂടാന്‍ കഴിഞ്ഞില്ല. 2008 ഒക്ടോബറില്‍ കേസ് ക്രൈംബ്രാഞ്ച് ഏറ്റെടുത്തെങ്കിലും പ്രതിയെ കണ്ടെത്താനായില്ല.
തുടര്‍ന്ന് ഇടുക്കി ക്രൈം ബ്രാഞ്ച് എസ്.പി. പി.കെ. മധുവിന്റെ നേതൃത്വത്തിലുള്ള സംഘം നടത്തിയ അന്വേഷണത്തിലാണ് പ്രതി പിടിയിലാകുന്നത്.