ഇറാഖ് എണ്ണ കപ്പലിൽ തീ. കൊയിലാണ്ടി സ്വദേശിയായ യുവാവ് മരിച്ചു

ഇറാഖ്‌ തീരത്തണഞ്ഞ കപ്പലിലുണ്ടായ തീപിടിത്തത്തിൽ കൊയിലാണ്ടി സ്വദേശിയായ യുവാവ് മരിച്ചു. കപ്പലിൽ ജീവനക്കാരനായിരുന്ന കൊയിലാണ്ടി വിരുന്നുകണ്ടി കോച്ചപ്പൻ്റെ പുരയിൽ അതുൽരാജ് (28) ആണ്‌ മരിച്ചത്‌.

ഇറാഖ്‌ എണ്ണക്കപ്പലിലെ ജീവനക്കാരനായിരുന്നു അതുൽരാജ്. പേർഷ്യൻ ഉൾക്കടലിൽ ഉണ്ടായ അപകടത്തിൽ രണ്ട് ഇന്ത്യക്കാരടക്കം ഒമ്പത് പേർ മരിച്ചിട്ടുണ്ട്. 13നാണ് അപകടമുണ്ടായതെന്നാണ് വിവരം ലഭിച്ചത്.

അപകട വിവരം ഞായറാഴ്ചയാണ് അതുൽരാജിൻ്റെ വീട്ടിലറിയുന്നത്. കഴിഞ്ഞ ഒക്ടോബറിലാണ് കപ്പൽ ജോലിയ്ക്ക് പോയത്. കോച്ചപ്പന്റെ പുരയിൽ ഉത്തമന്റെയും ജയന്തിയുടെയും മകനാണ്. സഹോദരി: അതുല്യ.