കൊയിലാണ്ടിയിൽ ഓടിക്കൊണ്ടിരിക്കുന്ന ലോറിക്ക് തീപിടിച്ചു

ഓടിക്കൊണ്ടിരിക്കുന്ന ലോറിക്ക് തീപിടിച്ചു. ഇന്നു പുലർച്ചെ അഞ്ചു മണിയോടെ കൂടിയാണ് കൊയിലാണ്ടി പെട്രോൾപമ്പിനു സമീപത് ചരക്കുലോറിക് തീപിടിച്ചത്.

വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന ഗ്രേഡ് അസിസ്റ്റൻറ് സ്റ്റേഷൻ ഓഫീസർ പ്രദീപ് കെ യുടെ നേതൃത്വത്തിൽ എത്തുകയും വെള്ളമുപയോഗിച്ച് തീ കെടുത്തുകയും ചെയ്തു.

ലോറിയുടെ പിൻഭാഗത്തുള്ള ടയറിനായിരുന്നു തീപിടിച്ചത് .ടയർ തമ്മിൽ ഉരസിയത് മൂലമാണ് തീപിടിച്ചതെന്നു കരുതുന്നു.വടകര ഭാഗത്തു നിന്നും കോഴിക്കോട് ഭാഗത്തേക്ക് പോകുന്ന പഞ്ചസാര കയറ്റിയ ലോറി ആയിരുന്നു ഇത്. ഫയർ ആൻഡ് റെസ്ക്യൂ ഓഫീസർമാരായ ബിനീഷ് ,നിധിപ്രസാദ് ഇ എം, വിഷ്ണു,സിജിത്,ബബീഷ്,ധീരജ്ലാൽ പി സി,സത്യൻ,ഷാജു,ഹോംഗാര്‍ഡുമാരായ രാജീവ് ,രാജേഷ് എന്നിവർ പങ്കെടുത്തു.