കരസേനാ റിക്രൂട്ട്മെന്റ്: കണ്ണൂർ ഗവ. എൻജിനീയറിങ് കോളേജിൽ ബോധവത്കരണ ക്യാമ്പയിൻ സംഘടിപ്പിച്ചു

കരസേനയിലേക്കുള്ള റിക്രൂട്ട്മെൻറ് സംബന്ധിച്ച് യുവജനങ്ങൾക്കിടയിൽ ബോധവത്കരണം നടത്താനായി കോഴിക്കോട് ആർമി റിക്രൂട്ട്മെന്റ് ഓഫീസിന്റെ ആഭിമുഖ്യത്തിൽ ബോധവത്കരണ ക്യാമ്പയിൻ സംഘടിപ്പിച്ചു. കണ്ണൂർ ഗവ. എൻജിനീയറിങ് കോളേജിൽ സംഘടിപ്പിച്ച എജ്യൂക്കേഷൻ ആൻഡ് കരിയർ എക്സ്പോയിലാണ് ക്യാമ്പയിൻ സംഘടിപ്പിച്ചത്.

ഉദ്യോഗസ്ഥനായും സൈനികനായും ഇന്ത്യൻ ആർമിയിൽ ചേരാനുള്ള യോഗ്യതകളെയും നടപടിക്രമങ്ങളെക്കുറിച്ചും അവബോധം സൃഷ്ടിക്കാനാണ് റിക്രൂട്ട്മെന്റ് ഓഫീസ് ബോധവത്കരണം നടത്തുന്നത്. റിക്രൂട്ട്‌മെന്റ് റാലി, എസ്‌.എസ്‌.ബി അഭിമുഖം, ശമ്പള സ്‌കെയിൽ, യോഗ്യത, കരസേനയിൽ ചേരുന്നതിനുള്ള മറ്റ് മാനദണ്ഡങ്ങൾ എന്നിവ ക്യാമ്പിൽ വിശദീകരിച്ചു.