കോഴിമുക്ക്: കല്ലത്തൂർ കോഴിമുക്ക് കൈരളി ഗ്രന്ഥാലയംത്തിന്റെ ആഭിമുഖ്യത്തിൽ എഴുത്തുകാരെ ആദരിക്കലും സ്വാതന്ത്രദിന ക്വിസ് മത്സര വിജയികൾക്കുള്ള ഉപഹാര വിതരണവും ഗ്രന്ഥാലയം നടത്തിയ വായനാ മത്സര ക്വിസ് മാസ്റ്റർക്കള്ള ക്യാഷ് അവാർഡും നൽകി. പരിപാടിയുടെ ഉൽഘാടനം ബ്ലോക്ക് പഞ്ചായത്ത് വൈസ് പ്രസിസണ്ട് പാത്തുമ്മ ടീച്ചർ നിർവ്വഹിച്ചു.ക്യാഷ് അവാർഡ് നിഷ കോമത്ത് ഏറ്റു വാങ്ങി. ചടങ്ങിൽ കെ എം ചന്ദ്രൻ അദ്ധ്യക്ഷനായി.
കോഴിക്കോട് ജില്ലാ കൗൺസിൽ അംഗം ടി.സി.കുഞ്ഞമ്മദ് മാസ്റ്റർ പരിപാടിയിൽ എഴുത്തുകാരെ ആദരിക്കുകയും സ്വാതന്ത്ര്യദിന ക്വിസ് മൽസര വിജയികൾക്കുള്ള ഉപഹാരങ്ങളും നൽകി. കെ.സി രാജൻ, മനോജ് പൊൻപറ, രാമചന്ദ്രൻ കിടാവ് , സദൻ കല്പത്തൂർ എന്നീ എഴുത്തുകാരെ ടി.എം ബാലകൃഷ്ണൻ പരിചയപ്പെടുത്തി.
കെ.സി. കരുണാകരൻ മുഖ്യപ്രഭാഷണം നടത്തി. ഇ രാജൻ, രാമചന്ദ്രൻ കിടാവ്, കെ.കെ ബാബു എന്നിവർ സംസാരിച്ചു.
Comments
