കാലവർഷക്കെടുതിയിൽ തകർന്ന വീട് പുനർ നിർമ്മിച്ച് നൽകി

കൊയിലാണ്ടി നഗരസഭയിലെ പതിനാറാം വാർഡിൽ കാലവർഷക്കെടുതിയിൽ തകർന്ന വീട് പുനർ നിർമ്മിച്ച് നൽകി. 

താറ്റുവയൽ കുനിയൽ ‘വൃന്ദാവന’ത്തിൽ താമസിക്കുന്ന  മാധവിയുടെ, രണ്ടു ലക്ഷം രൂപ ചിലവിൽ പുനർ നിർമ്മിച്ച വീടിന്റെ സമർപ്പണം ബഹു വടകര എംപി കെ മുരളീധരൻ നിർവഹിച്ചു.

വാർഡ് കൗൺസിൽ ജിഷ പുതിയടത്ത് അധ്യക്ഷത വഹിച്ച ചടങ്ങിൽ, ഡിസിസി പ്രസിഡന്റ് അഡ്വ. കെ പ്രവീൺകുമാർ, ജനറൽ സെക്രട്ടറി രാജേഷ് കീഴരിയൂർ, വി ടി സുരേന്ദ്രൻ രജീഷ് വെളത്തുകണ്ടി, ടി കെ നാരായണൻ, കലേഷ് വി കെ, ഗണേശൻ ചാലോറ മഠത്തിൽ, കെ ബാലകൃഷ്ണൻ, മിഥുൻ കുമാർ കെ എന്നിവർ ആശംസകൾ അർപ്പിച്ചു സംസാരിച്ചു.

സിബിൻ കണ്ടത്തനാരി സ്വാഗതവും ടി കെ ബാലകൃഷ്ണൻ നന്ദിയും പറഞ്ഞു.