കൊയിലാണ്ടി: കൊയിലാണ്ടിയിൽ നിരോധിത പുകയില ഉൽപ്പന്നങ്ങളുമായി ഒരാൾ അറസ്റ്റിൽ. കരുനാഗപ്പള്ളികുലശേഖരപുരം കാട്ടുകുറ്റിയിൽ അൻസാറിനെയാണ് അറസ്റ്റ് ചെയ്തത്. ഹൻസ് 645 പാക്കറ്റ്, കൂൾ പിസ്റ്റ് 370 പാക്കറ്റ്, ചുക്ക് 21 പാക്കറ്റ്, ബ്ലാക്ക് കോട്ട് 4 തുടങ്ങി പന്ത്രണ്ടായിരത്തോളം പാക്കറ്റ് പുകയില ഉൽപ്പന്നങ്ങളാണ് കൊയിലാണ്ടി പോലീസ് പിടികൂടിയത്. കെ എ 02 എ എൻ 4940 മഹീന്ദ്ര എക്സ്യുവി കാറിൽ നിന്നാണ് പിടികൂടിയത് . വാഹന പരിശോധനയ്ക്കിടെ കൊയിലാണ്ടി ടൗണിൽ വെച്ച് സി ഐ എൻ സുനിൽകുമാർ, എസ് ഐ ദിലീഫ് മഠത്തിൽ സി പി ഒ. ഗംഗേഷ് തുടങ്ങിയവരുടെ സംഘമാണ് വിദഗദ്മായി അറസ്റ്റ് ചെയ്തത്. കാറും കസ്റ്റഡിയിലെടുത്തിട്ടുണ്ട്.
വാഹന പരിശോധനയ്ക്കിടെ ചോദ്യം ചെയ്യുമ്പോൾ ഓടി രക്ഷപ്പെടാനുള്ള പ്രതിയുടെ നീക്കത്തിനിടെ മൽപിടുത്തത്തിലൂടെ അറസ്റ്റ് ചെയ്യുകയായിരുന്നു. ഏകദേശം ആറ് ലക്ഷത്തോളം വിലവരുന്നതാണ് ഉൽപ്പന്നങ്ങളാണിവ.
