സീനിയർ ചേംബർ ഇന്റർനാഷനൽ കൊയിലാണ്ടി ലീജിയൺ കൊയിലാണ്ടി മുനിസിപ്പാലിറ്റിലെയും സമീപ പഞ്ചായത്തിലെയും എൽ കെ ജി മുതൽ 7-ാം ക്ലാസ് വരെയുള്ള വിദ്യാർത്ഥികൾക്കായി വർഷംതോറും നടത്തി വരാറുള്ള ചിത്രരചനാ മത്സരം ‘വർണ്ണം 2022’ കൊയിലാണ്ടിയിലെ എം ജി കോളേജിൽ വച്ച് നടത്തി.
സീനിയർ ചേംബർ പ്രസിഡണ്ട് സി കെ ലാലു അദ്ധ്യക്ഷത വഹിച്ചു. സീനിയർ ചേംബർ ഇന്റർനാഷനൽ – വർഗീസ് വൈദ്യൻ മുഖ്യാതിഥിയായി. സബ്ജില്ലാ കലോത്സവത്തിൽ പെൻസിൽ ഡ്രോയിങ്, ജലഛായം എന്നിവയിൽ ഒന്നാം സ്ഥാനം നേടിയ നിഹാരിക രാജു ചിത്രം വരച്ചു ഉദ്ഘാടനം ചെയ്തു.
നാഷനൽ ഡയറക്ടർ ജോസ് കണ്ടോത്ത്, പി ഇ സുകുമാർ, സജിത്ത്, മനോജ് വൈജയന്തം, അഡ്വ. ജതീഷ് ബാബു, രവീന്ദൻ കോമത്ത്, രാഖി ലാലു, എന്നിവർ ആശംസകളർപ്പിച്ച് സംസാരിച്ചു. ഒന്നും, രണ്ടും മുന്നും സ്ഥാനങ്ങൾക്ക് പുറമെ പങ്കെടുത്ത മുഴുവൻ കുട്ടികൾക്കും പ്രോത്സാഹന സമ്മാനം നൽകി.
Comments
