കൊയിലാണ്ടി:ജില്ല കേരളോത്സവം ഫുട്ബോൾ മത്സരങ്ങൾ കൊയിലാണ്ടി സ്പോർട്സ് കൗൺസിൽ സ്റ്റേഡിയത്തിൽ നടന്നു. പന്തലായനി ബ്ലോക്ക് പഞ്ചായത്ത് പ്രസിഡൻറ് പി.ബാബുരാജിന്റെ അധ്യക്ഷതയിൽ ജില്ലാ പഞ്ചായത്ത് വൈസ് പ്രസിഡൻറ് എം.പി. ശിവാനന്ദൻ ഉദ്ഘാടനം നിർവഹിച്ചു. കൊയിലാണ്ടി, രാമനാട്ടുകര, കൊടുവള്ളി ഫറോക്ക്, മുക്കം, മുനിസിപ്പാലിറ്റികളും മേലടി, ബാലുശ്ശേരി, പയ്യോളി, പേരാമ്പ്ര, തോടന്നൂർ, കൊടുവള്ളി, വടകര, ചേളന്നൂർ, കുന്നുമ്മൽ, കോഴിക്കോട് ബ്ലോക്ക് പഞ്ചായത്തുകളും മത്സരത്തിൽ പങ്കെടുത്തു. ജില്ലാ പഞ്ചായത്ത് പ്രസിഡൻറ് ഷീജ ശശി, കൊയിലാണ്ടി മുനിസിപ്പാലിറ്റി വൈസ് ചെയർമാൻ അഡ്വ. കെ.സത്യൻ, പന്തലായനി, ചേളന്നൂർ, വടകര ബ്ലോക്ക് പഞ്ചായത്ത് പ്രസിഡന്റുമാർ, ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സന്മാർ, ജില്ല പഞ്ചായത്ത് അംഗങ്ങൾ, ജില്ലാ പഞ്ചായത്ത് ഫിനാൻസ് ഓഫീസർ എം.ടി.പ്രേമൻ സീനിയർ സൂപ്രണ്ട് ശ്രീ.കെ.രാജേഷ് എന്നിവർ സന്നിഹിതരായിരുന്നു. ഫൈനൽ മത്സരത്തിൽ പേരാമ്പ്ര ബ്ലോക്ക് പഞ്ചായത്തിനെ 2-1ന് പരാജയപ്പെടുത്തി കൊയിലാണ്ടി മുനിസിപ്പാലിറ്റി വിജയികളായി . ജില്ലാ പഞ്ചായത്ത് വൈസ് പ്രസിഡൻറ് സമ്മാനദാനം നിർവഹിച്ചു.
