തിരുവങ്ങൂരില്‍ ആളില്ലാത്ത വീട്ടിൽ മോഷണം

കൊയിലാണ്ടി: തിരുവങ്ങൂരിലെ പരത്തോട്ടത്തിൽ ഷർഷാദിന്റെ വീട്ടിലാണ് കവർച്ച നടന്നത്. ശനിയാഴ്ച രാവിലെ കുടുംബ സമേതം കാസർഗോഡ് ബന്ധു വീട്ടിൽ പോയി ഞായറാഴ്ച രാത്രിയാണ് തിരിച്ചെത്തിയത്. പിറ്റേന്ന് രാവിലേയാണ് മോഷണം ശ്രദ്ധയിൽ പെട്ടത്. വീടിന്റെ പിൻഭാഗത്തെ ഗ്രിൽ പൊളിച്ചു അകത്തുകടന്ന ശേഷം ബെഡ്‌റൂമിലെ അലമാരയിൽ സൂക്ഷിച്ചിരുന്ന 20000 രൂപയും 16 പവനും കവരുകയായിരുന്നു. ഏതാണ്ട് 6,80,000 രൂപയുടെ നഷ്ടം കണക്കാക്കുന്നു. ഡോഗ് സ്ക്കോഡ് എത്തി പരിശോധന നടത്തി. നായ സമീപത്തെ കട വരെ പോയിട്ട് തിരിച്ചു വന്നു.. ഫിംഗർ പ്രിന്റ് വിദഗ്ധരും
സ്ഥലത്തെത്തി പരിശോധന നടത്തിയിട്ടുണ്ട്.
കൊയിലാണ്ടി സിഐ എൻ സുനിൽ കുമാറിന്റെ നേതൃത്വത്തിൽ, എസ്ഐ എംഎൽ അനൂപ്, ബിനീഷ് , രാജീവ്‌, ദിലീപ് എന്നിവരുൾപ്പെട്ട സംഘമാണ് കേസന്വേഷിക്കുന്നത്.