ചേമഞ്ചേരി:തിരുവങ്ങൂർ ഹയർ സെക്കണ്ടറി സ്കൂൾ നായിക് സുബേദാർ ശ്രീജിത്ത് അനുസ്മരണം സംഘടിപ്പിച്ചു. പൂർവ്വവിദ്യാർത്ഥിയും, എൻ സി സി കാഡറ്റുമായിരുന്ന ധീര ജവാൻ നായിക് സുബേദാർ ശ്രീജിത്തിന്റെ ഒന്നാം ചരമവാർഷിക പരിപാടി കാളാണ് സംഘടിപ്പിച്ചത്. സ്കൂൾ അങ്കണത്തിൽ നടന്ന പുഷ്പാർച്ചനയും അനുസ്മരണ പ്രഭാഷണവും സ്കൂൾ പ്രിൻസിപ്പൽ ടി കെ ഷെറീന ഉദ്ഘാടനം ചെയ്തു. എൻ സി സി, ജെ ആർ സി, എസ് പി സി, സകൗട്ട് ഗൈഡ്‌സ് വളണ്ടിയർമാർ ചടങ്ങിൽ പങ്കെടുത്തു. സ്കൂൾ മാനേജർ ടി കെ ജനാർദ്ദനൻ, എ പി സതീഷ് ബാബു, ഹാറൂൺ അൽ ഉസ്മാൻ , പി കെ അനീഷ്, സുനിൽകുമാർ എന്നിവർ സംസാരിച്ചു. എൻ സി സി ഓഫീസർ ശ്രീരാജ് സ്വാഗതം പറഞ്ഞു. 2021 ജൂലായ് എട്ടിനായിരുന്നു ജവാൻ ശ്രീജിത്ത് കാശ്മീരിൽ ഏറ്റുമുട്ടലിൽ കൊല്ലപ്പെട്ടത്.
Comments
