ചേമഞ്ചേരി: ഡങ്കി വിരുദ്ധ ദിനാചരണത്തിൻ്റെ കോഴിക്കോട് ജില്ലാ തല ഉദ്ഘാടനം ചേമഞ്ചേരി പഞ്ചായത്തിലെ ഫ്രീഡം ഫൈറ്റേഴ്സ് ഹാളിൽ വെച്ച് നടന്നു. പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ് ഉദ്ഘാടനം ചെയ്തു.
ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയിൽ അദ്ധ്യക്ഷയായിരുന്നു. ഡെപ്യൂട്ടി ജില്ലാ മെഡിക്കൽ ഓഫീസർ ഡോ. പിയൂഷ് നമ്പൂതിരിപ്പാട് മുഖ്യപ്രഭാഷണം നടത്തി. ജില്ലാ വെക്ടർ ബോൺ ഡിസീസ് കൺട്രോൾ ഓഫീസർ ഡോ. ഷിനി ഡങ്കിപ്പനിയെപ്പറ്റി ക്ലാസ്സെടുത്തു.
കെ ടി എം കോയ (ആരോഗ്യ സ്റ്റാൻ്റിംഗ് കമ്മിറ്റി ചെയർമാൻ ബ്ലോക്ക് പഞ്ചായത്ത്), അതുല്യ ബൈജു ( ആരോഗ്യ സ്റ്റാൻ്റിംഗ് കമ്മിറ്റി ചെയർപേഴ്സൺ ചേമഞ്ചേരി ഗ്രാമ പഞ്ചായത്ത്), കെ കെ ശശി (ഹെൽത്ത് ഇൻസ്പക്ടർ സി എച്ച് സി തിരുവങ്ങൂർ ), എന്നിവർ സംസാരിച്ചു. സി പി റിജു(ജില്ലാ മെഡിക്കൽ ഓഫീസ് ), ജെ എച്ച് ഐ മാരായ സി കെ രാമചന്ദ്രൻ, ഷംന, ഷീബ, എ കെ രാമചന്ദ്രൻ സംസാരിച്ചു. ഡോ. പി ടി അനി, സ്വാഗതവും എച്ച് എസ് ജോയ് തോമസ് നന്ദിയും പറഞ്ഞു.
