നടുവണ്ണൂര്‍ അങ്ങാടിയില്‍ ഗ്യാസ് സിലണ്ടർ ലീക്കായതിനെ തുടര്‍ന്ന് ചായക്കട പൂര്‍ണ്ണമായും കത്തിനശിച്ചു
നടുവണ്ണൂര്‍: നടുവണ്ണൂര്‍ അങ്ങാടിയില്‍ ഗ്യാസ് സിലണ്ടർ ലീക്കായതിനെ തുടര്‍ന്ന് തീ പടര്‍ന്ന് വെള്ളക്കാന്‍കണ്ടി ഗോപാലന്‍റെ ചായക്കട പൂര്‍ണ്ണമായും കത്തിനശിച്ചു . കടയിലെ ഗ്യാസ് സിലണ്ടർ തീയിൽ നിന്നും മാറ്റാന്‍ കഴിയാത്തത് ജനങ്ങളില്‍ പരിഭ്രാന്തി പരത്തി. സമീപത്ത് ടെക്സ്റ്റൈല്‍സ് ഉള്‍പ്പെടെ പത്തോളം കടകളുള്ള കെട്ടിടത്തിലാണ് തീ പടര്‍ന്നത് എന്നതും സംഭവത്തിന്‍റെ ഗൗരവം വര്‍ദ്ധിപ്പിച്ചു.
സ്റ്റേഷൻ ഓഫീസർ സി പി ഗിരീഷിന്റെ നേതൃത്വത്തിൽ രണ്ട് ഫയർഫോഴ്സ് യൂണിറ്റ് സംഭവസ്ഥലത്തെത്തിയാണ്‌ തീ അണച്ചത്. സേന ഗ്യാസ്സ് സിലിണ്ടര്‍ ഉടൻ നീക്കം ചെയ്തതിനാല്‍ വലിയദുരന്തം ഒഴിവാക്കാനായി.
അസ്സി: സ്റ്റേഷൻ ഓഫീസർ സി കെ മുരളീധരൻ, പി സി പ്രേമൻ, ഫയർ ഓഫീസർമാർമാരായ ഉണ്ണികൃഷ്ണൻ ഐ, എ ഷിജിത്ത്, കെ ശ്രീകാന്ത്, കെ പി വിപിൻ, പി എം വിജേഷ്, അശ്വിൻ ഗോവിന്ദ്, സനൽ രാജ്, സാരംഗ്, ഷിഗിൻ ചന്ദ്രൻ, ഫയർ ഓഫീസർ ഡ്രൈവർമാരായ, മനോജ് പി വി, സ്മിതേഷ് സി കെ, ഹോംഗാർഡ് മാരായ അനീഷ്, രാജീവൻ എന്നിവർ രക്ഷാപ്രവർത്തനത്തിൽ പങ്കെടുത്തു.
