കൊയിലാണ്ടി: പൊയിൽക്കാവ് ഹയർ സെക്കൻ്ററി സ്കൂളിൽ ‘ഗുൽമോഹർ ‘ ത്രിദിന ചിത്രകലാക്യാമ്പ് സംഘടിപ്പിച്ചു. കവിയും ചിത്രകാരനും പൂക്കാട് കലാലയം പ്രസിഡൻ്റുമായ യു കെ രാഘവൻ ഉദ്ഘാടനം ചെയ്തു. ശില്പകലയിൽ കെ വി ബിജുവും ഡിജിറ്റൽ പെയിൻ്റിംഗിൽ എ കെ രമേശനും അക്രലിക് പെയിൻ്റിംഗിൽ സുബേഷ് പത്മനാഭനും ക്ലാസ്സുകൾ കൈകാര്യം ചെയ്തു. ചിത്രകലയിലെ പുതിയ സാങ്കേതിക വിദ്യകൾ പരിചയപ്പെടാനും കുട്ടികളിലെ സർഗ്ഗാത്മകമായ കഴിവുകൾ വികസിപ്പിക്കാനും ഈ ക്ലാസുകൾക്ക് കഴിഞ്ഞതായി സംഘാടകർ അവകാശപ്പെട്ടു. ക്യാമ്പ് ഡയറക്ടർ സുരേഷ് ഉണ്ണി അധ്യക്ഷനായിരുന്നു. ഹെഡ്മിസ്ട്രസ് ഇ കെ ജയലേഖ സ്വാഗതം പറഞ്ഞു. ഹരിത സംസാരിച്ചു. ഡോക്ടർ ചന്ദ്രമോഹനൻ നന്ദി പറഞ്ഞു.
Comments
