കൊയിലാണ്ടി: കൃഷ്ണാ തീയേറ്റർ പരിസരത്ത് പോലീസ് ബസ്സും ഇന്നോവ കാറും കൂട്ടിയിടിച്ച് ഇന്നോവയുടെ ഡ്രൈവർക്ക് പരിക്കേറ്റു. ഞായറാഴ്ച ഉച്ചക്ക് 3.30 മണിയോടെയാണ് സംഭവം. കോഴിക്കോട് ഭാഗത്തേക്ക് പോവുകയായിരുന്ന പോലീസ് വാഹനവും എതിരെ വന്ന ഇന്നോവയും തമ്മിലാണ് കൂട്ടിയിടിച്ചത്. അഗ്‌നി രക്ഷാ സേനാംഗങ്ങളും നാട്ടുകാരും രക്ഷാപ്രവർത്തനത്തിലേർപ്പെട്ടു. കട്ടർ ഉപയോഗിച്ച് കാറിന്റെ ഡോർ കട്ട് ചെയ്ത ശേഷമാണ് ഡ്രൈവറെ പുറത്തെടുത്തത്. ഇയാളെ ആശുപത്രിയിലേക്ക് മാറ്റി. മറ്റ് വിശദാംശങ്ങൾ അറിവായിട്ടില്ല.
Comments
