പ്രണയമഴ പെയ്യിച്ച് സൂഫി സംഗീതം

കോഴിക്കോട്‌:കുറ്റിച്ചിറയിൽ പ്രണയാനുഭവങ്ങളുടെ സംഗീത മഴ പെയ്യിച്ച് സൂഫി സംഗീതം. പ്രശസ്ത സൂഫി ഗായകരായ സമീർ ബിൻസിയും ഇമാം മജ്ബൂറുമാണ് കോഴിക്കോടിന്റെ ഓണോത്സവത്തിൽ സൂഫി സംഗീതവുമായെത്തിയത്. ഗായകൻ മിഥുലേഷ് ചോലക്കലും ഇവർക്കൊപ്പം ചേർന്നു. വിനോദസഞ്ചാര വകുപ്പും ജില്ലാ ഭരണകേന്ദ്രവും ഡിടിപിസിയും സംയുക്തമായാണ്‌ പരിപാടി സംഘടിപ്പിക്കുന്നത്‌.   അസ്ലം തിരൂർ (ഹാർമോണിയം കീബോർഡ്), അക്ബർ മലപ്പുറം (തബല), സുഹൈൽ (ഗിത്താർ), മുബഷീർ (റിഥം) എന്നിവർ പിന്നണിയിൽ. ആസ്വാദന ലഹരി പകർന്ന സൂഫി സംഗീതാലാപനം നിറഞ്ഞ ഹർഷാരവത്തോടെയാണ് കാണികൾ സ്വീകരിച്ചത്.