ബസിൽ വച്ച് സ്കൂൾ വിദ്യാർത്ഥിനിക്ക് നേരെ ലൈംഗികാതിക്രമം നടത്തിയ സംഭവത്തിൽ പ്രതി പിടിയിൽ. ബാലുശ്ശേരി എരമംഗലം ഓര്‍ക്കാട്ടുമീത്തല്‍ ബാബു എന്ന മധു (49) വിനെയാണ് കൊടുവള്ളി പൊലീസ് അറസ്റ്റ് ചെയ്തത്.
ഇയാൾ ഒളിവിൽ കഴിയുകയായിരുന്നു. വട്ടോളിയിൽ ടയർ കട നടത്തുന്നയാളാണ് മധു. പൊലീസ് അന്വേഷണമാരംഭിച്ചതോടെ ഒളിവില്‍ പോയി. കൊടുവള്ളി ഇന്‍സ്‌പെക്ടര്‍ പി. ചന്ദ്രമോഹന്റെ നേതൃത്വത്തില്‍ എസ്.ഐ.മാരായ അനൂപ് അരീക്കര, എസ്.ആര്‍. രശ്മി, സീനിയര്‍ സിവില്‍ പോലീസ് ഓഫീസര്‍ ഇ.പി. അബ്ദുല്‍ റഹീം, സി.പി.ഒ.മാരായ ജിനീഷ്, ഷെഫീഖ് നീലിയാനിക്കല്‍ എന്നിവരടങ്ങിയ സംഘം മഞ്ചേരിയില്‍വെച്ചാണ് പ്രതിയെ പിടികൂടിയത്.
. താമരശ്ശേരി കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.
Comments
