ഭാഷാ ശ്രീ മുൻ മുഖ്യ പത്രാധിപർ ആർ. കെ.രവിവർമ്മ സംസ്ഥാന സാഹിത്യ പുരസ്കാരത്തിന്ന് അശോകൻ ചേമഞ്ചേരി എഴുതിയ പ്രമേഹത്തെ നേരിടാം ഭക്ഷണത്തിലൂടെ എന്ന ലേഖനത്തിന്ന് അർഹനായി.
ആഗസ്റ്റ് 19 ന് ശനിയാഴ്ച ഉച്ചക്ക് 2 മണിക്ക് പേരാമ്പ്ര റീജിനൽ കോ-ഓപ്പറേറ്റീവ് ബാങ്ക് ഓഡിറ്റോറിയത്തിൽ കല്പറ്റ നാരായണൻ (പ്രശസ്ത സാഹിത്യകാരൻ ) ഉദ്ഘാടനവും പുരസ്ക്കാര സമർപ്പണവും നടത്തും. പേരാമ്പ്ര ബ്ലോക്ക് പഞ്ചായത്ത് പ്രസിഡണ്ട് എൻ പി ബാബു അദ്ധ്യക്ഷത വഹിക്കും. മുഹമ്മദ് എരവട്ടൂർ (സിനിമാ നടൻ) മുഖ്യ പ്രഭാഷണം നടത്തും.
അഞ്ചോളം കൃതികളുടെ കർത്താവാണ് അശോകൻ ചേമഞ്ചേരി. ചേരമാൻ പെരുമാൾ , പോർളാതിരി കോഴിക്കോടിന്റെ ആദ്യ രാജാവ് എന്നിവ ഇതിൽപ്പെടും. അമേരിക്കൻ ഓൺലൈൻ മലയാള പത്രമായ – മലയാളി മനസ്സിൽ സ്ഥിരം ലേഖകനാണ്.
പല ഗവേഷണ വിദ്യാർത്ഥികളും അശോകൻ ചേമഞ്ചേരിയുമായി ബന്ധപ്പെട്ടുവരുന്നു. ആറാമത്തെ പുസ്തകമായ കുറുമ്പ്രനാട് രാജവംശത്തിന്റെ രചനയിലാണ്.
