നാദാപുരം: കുന്നമ്മൽ പഞ്ചായത്തിൽ നാലാം വാർഡിൽ മരത്തിൽ കയറി അബോധാവസ്ഥയിലായ ആളെ ഫയർഫോഴ്സ് സംഘം രക്ഷപ്പെടുത്തി. ചങ്ങരംകുളം കോട്ടേൻ്റവിടെ എന്ന സ്ഥലത്താണ് അപകടം. കായക്കൊടി കണയങ്കോട് പാലാട്ടുമ്മൽ രാജീവനാണ് മരത്തിൽ അബോധാവസ്ഥയിൽ കുടുങ്ങിപ്പോയത്. നാദാപുരം ഫയർസ്റ്റേഷനിലെ എസ് ടി ഒ ജാഫർ സാദിഖിന്റെ നേതൃത്വത്തിൽ എത്തിയ അഗ്നിശമസേനാംഗങ്ങൾ സാഹസികമായി ഇയാളെ താഴെ ഇറക്കി ആശുപത്രിയിൽ എത്തിച്ചു. എഫ് ആർ ഒ മാരായ മനോജ് കിഴക്കെക്കര, വിജേഷ്, ബൈജു പാലയാട് എന്നിവരാണ് മരത്തിൽ കയറി രക്ഷാപ്രവർത്തനം നടത്തിയത്.
എ എസ് ടി ഒ രാമദാസൻ, എഫ് ആർ ഒ അജേഷ്, ഡ്രൈവർ മാരായ ജൈസൽ, പ്രേംജിത്ത്
എന്നിവർ രഷാപ്രവർത്തനത്തിൽ പങ്കാളികളായി.
Comments
