വയനാട് വെണ്ണിയോട് കൊളവയലിൽ ഭർത്താവ് ഭാര്യയെ കൊലപ്പെടുത്തിയത് മദ്യലഹരിയിലെന്ന് പൊലീസ്. പനമരം നടവയൽ സ്വദേശിനി അനിഷയെയാണ് (35 ) ഭർത്താവ് മുകേഷ് കൊലപ്പെടുത്തിയത്. ഇന്നലെ രാത്രി 10 മണിയോടെയായിരുന്നു സംഭവം. മദ്യലഹരിയിലെത്തിയ മുകേഷ് അനിഷയുടെ മുഖത്ത് മർദ്ദിക്കുകയും കഴുത്ത് ഞെരിച്ച് കൊല്ലുകയുമായിരുന്നുവെന്ന് പൊലീസ് പറഞ്ഞു.
കൊലപാതകത്തിനു ശേഷം മുകേഷ് ഫോണിലൂടെ പൊലീസിനെ വിവരം അറിയിക്കുകയായിരുന്നു. കമ്പളക്കാട് പൊലീസാണ് സ്ഥലത്തെത്തി പ്രതിയെ അറസ്റ്റ് ചെയ്തത്. കുടുംബ വഴക്കാണ് കൊലപാതകത്തിലേക്ക് നയിച്ചതെന്ന് പൊലീസ് പറയുന്നു. കൊലപാതകത്തിന്റെ കാരണം എന്താണെന്ന കാര്യത്തില്‍ വ്യക്തത വന്നിട്ടില്ല. മാസങ്ങള്‍ക്ക് മുമ്പാണ് മുകേഷും അനീഷയും വിവാഹം കഴിച്ചത്. ഇരുവരും തമ്മില്‍ നിരന്തരം ഇരുവരും തമ്മില്‍ നിരന്തരം തര്‍ക്കം നടന്നിരുന്നതായി അയല്‍വാസികള്‍ പറയുന്നു.
സംഭവം നടക്കുന്ന സമയത്ത് മാനസിക വെല്ലുവിളി നേരിടുന്ന മുകേഷിന്റെ അമ്മയും വീട്ടിൽ ഉണ്ടായിരുന്നു. ഇൻക്വസ്റ്റ് നടപടികൾ പൂർത്തിയാക്കി. പോസ്റ്റുമോർട്ടത്തിനു ശേഷം മൃതദേഹം അനിഷയുടെ ബന്ധുക്കൾക്ക് വിട്ടുനൽകും.
