കാപ്പാട്: കാൻഫെഡ് കോഴിക്കോട് ജില്ലാ കമ്മിറ്റിയും കാപ്പാട് ബ്ലോക്ക് ഡിവിഷൻ കൗൺസിലും ഇലാഹിയ ഹയർ സെക്കണ്ടറി സ്കൂളും ചേർന്ന് ഇലാഹിയ സ്കൂളിൽ സംഘടിപ്പിച്ച വായനാവാരം പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ് ഉദ്ഘാടനം ചെയ്തു. കാൻഫെഡ് കോഴിക്കോട് ജില്ല പ്രസിഡണ്ട് കെ പി യു അലി അദ്ധ്യക്ഷനായിരുന്നു. അഡ്വ. ഉമ്മർ പുതിയോട്ടിൽ മുഖ്യപ്രഭാഷണം നടത്തി. ഗ്രാമ പഞ്ചായത്ത് മെമ്പറും തിരുവങ്ങൂർ യു പി സ്കൂൾ അധ്യാപകനുമായ ഷരീഫ് രചിച്ച ഓർമകളുടെ മഴവിൽ ഭൂപടം എന്ന പുസ്തകം ലൈബ്രറിക്കു നൽകി. ഇലാഹിയ എച്ച് എസ് എസ് ഹെഡ്മിസ്ട്രസ് റാബിയാ അഹമ്മദ് സംസാരിച്ചു. ബ്ലോക്ക് പഞ്ചായത്ത് മെമ്പർ എം പി മൊയ്തീൻ കോയ സ്വാഗതവും പി കെ മുനീർ നന്ദിയും പറഞ്ഞു.
പന്തലായനി ബ്ലോക്ക് പഞ്ചായത്ത് ലൈബ്രറിക്കു വേണ്ടി കാപ്പാട് ബ്ലോക്ക് വികസന സമിതി സമാഹരിച്ച പുസ്തകങ്ങൾ, ചേമഞ്ചേരി ഗ്രാമ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വി കെ ഹാരിസിൽ നിന്നും ബ്ലോക്ക്പഞ്ചായത്ത്‌ പ്രസിഡന്റ്‌ ഏറ്റുവാങ്ങി.
