വിഷുവിന് വിഷ രഹിത പച്ചക്കറി കേമ്പയിന്റെ ഭാഗമായി സി.പി.ഐ.എം.പേരാമ്പ്രഏരിയാ തല നടീൽ ഉത്സവം മേപ്പയ്യൂർ കരുവോട്ടി ചിറയില്‍ ബഹു.എം എൽ എ ടി.പി.രാമകൃഷ്ണൻ തൈ നട്ടു കൊണ്ട് നിർവ്വഹിച്ചു. സി.പി.ഐ.എം ഏരിയാ സെക്രട്ടറി എം.കുഞ്ഞമ്മത് അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് കെ ടി രാജൻ, സംയോജിത കൃഷി ഏരിയാ കൺവീനർ കെ പി ബിജു, പി പ്രസന്ന
സംയോജിത കൃഷി മേപ്പയ്യൂർ ലോക്കൽ കൺവീനർ കെ കുഞ്ഞിക്കണ്ണൻ, എൻ കെ ചന്ദ്രൻ എന്നിവർ പ്രസംഗിച്ചു. സി പി ഐ എം നോർത്ത് ലോക്കൽ കമ്മറ്റി സെക്രട്ടറി പി പി രാധാകൃഷ്ണൻ സ്വാഗതവും ബ്രാഞ്ച് സെക്രട്ടറി പി കെ പ്രകാശൻ നന്ദിയും പറഞ്ഞു.കരുവോട്ടിചിറയില്‍ മൂന്ന് ഏക്കർ സ്ഥലത്താണ് പാർട്ടി നോർത്ത് ലോക്കൽ കമ്മറ്റിയുടെ നേതൃത്യത്തിൽ പച്ചക്കറി കൃഷി ആരംഭിച്ചത്. വിവിധ ബ്രാഞ്ചുകളിലായി പത്ത് ഏക്കർ സ്ഥലത്ത് പാർട്ടിയുടെ നേതൃത്വത്തിൽ കർഷകർ പച്ചക്കറി കൃഷി നടത്തുന്നുണ്ട്. ലോക്കൽ തല ഉദ്ഘാടനവും ബ്രാഞ്ച് തല ഉദ്ഘാടനവും തുടർന്നുള്ള ദിവസങ്ങളിൽ നടക്കും.
