ശ്രീചിന്മയ കോളജ് അവാർഡ് ജേതാക്കളെ ആദരിച്ചു.

പേരാമ്പ്ര : ശ്രീചിന്മയ ആർട്സ് ആന്റ് സയൻസ് കോളജ് കലോത്സവത്തിന്റെ ഭാഗമായി, അവാർഡ് ജേതാക്കളെ അനുമോദിച്ചു. സംഗീത നാടക അക്കാദമി അവാർഡ് ജേതാക്കളായ രാജൻ തിരുവോത്ത്, മുഹമ്മദ് പേരാമ്പ്ര, കലാനിലയം ഭാസ്ക്കരൻ നായർ എന്നിവരെയാണ് ആദരിച്ചത്. പേരാമ്പ്ര ഗ്രാമ പഞ്ചായത്ത് പ്രസിഡന്റ് വി കെ പ്രമോദ് കോളജിന്റെ ഉപഹാരം നൽകി. പ്രിൻസിപ്പാൾ എ നാരായണൻ അധ്യക്ഷനായിരുന്നു. സിനിമാ സംവിധായകൻ എ ജി രാജൻ, ജാനു തമാശ ഫെയിം നിതിൻ ലാൽ. ഗായകൻ ശ്രീജിത്ത് കൃഷ്ണ,അലങ്കാർ ഭാസ്ക്കരൻ, കെ പി മിനി, കെ കെ രാജീവൻ, ആർ കെ രജീഷ് കുമാർ, സി പി എ. അസീസ്, കെ കെ രജീഷ്, ഗോപാലകൃഷ്ണൻ തണ്ടോറപ്പാറ, കെ അഭിനന്ദ്, എ കെ വിസ്മയ എന്നിവർ സംസാരിച്ചു. വിദ്യാർത്ഥികളുടെ വിവിധ കലാപരിപാടികളും ഡി ജെ പാർട്ടിയും നടന്നു.