കേരളം വെന്തുരുകുന്നു. സംസ്ഥാനത്ത് ഏഴുജില്ലകളില്‍ പകല്‍ താപനില 35 ഡിഗ്രി സെല്‍ഷ്യസിനു മുകളിലേക്കുയര്‍ന്നു. രാത്രി താപനിലയും ശരാശരി 25 ഡിഗ്രിയാണ്. വരും ആഴ്ചകളിലും വേനല്‍ ചൂട് ഉയര്‍ന്നു നില്‍ക്കാനാണ് സാധ്യതയെന്ന് കാലാവസ്ഥാ വകുപ്പ് അറിയിച്ചു.
കൊല്ലം, ആലപ്പുഴ, കോട്ടയം, എറണാകുളം, തൃശൂര്‍, കോഴിക്കോട്, കണ്ണൂര്‍ ജില്ലകളിലാണ് വേനല്‍ചൂട് ഉയര്‍ന്ന് നിൽക്കുന്നത്. കൊല്ലം, കോട്ടയം, തൃശൂര്‍, കണ്ണൂര്‍ ജില്ലകളില്‍ 36 ഡിഗ്രി സെല്‍ഷ്യസിലേക്ക് പകല്‍ചൂട് എത്തിയിട്ടുണ്ട്. ആലപ്പുഴയിലും എറണാകുളത്തും കോഴിക്കോടും 35 ഡിഗ്രി സെല്‍ഷ്യസാണ് പകല്‍ തപനില. ഹൈറേഞ്ചില്‍ ഇപ്പോഴും 20 മുതല്‍ 27 ഡിഗ്രി വരെയെ പകല്‍ചൂട് ഉള്ളൂ. സാധാരണ കടുത്ത ചൂട് അനുഭവപ്പെടുന്ന പാലക്കാട് താപനില 34 ലേക്ക് താണിട്ടുണ്ട്.
പൊതുവെ വരണ്ട അന്തരീക്ഷ സ്ഥിതിയാണ് ഇപ്പോള്‍കേരളത്തിനും ലക്ഷദ്വീപിലുമുള്ളത്. അതിനാല്‍ താപനില ഉയര്‍ന്നു തന്നെ നില്‍ക്കാനാണ് സാധ്യതയെന്ന് കാലാവസ്ഥാ നിരീക്ഷകര്‍ പറയുന്നു.
