സംസ്ഥാന സ്കൂൾ കലോൽസവത്തിൻ്റെ  പ്രധാനവേദിയുടെ പന്തൽ കാൽ നാട്ടൽ ചടങ്ങ്  വെള്ളിയാഴ്ച

ജനുവരി 3 മുതൽ 7 വരെ കോഴിക്കോട്  നടക്കുന്ന അറുപത്തിയൊന്നാം സംസ്ഥാന സ്കൂൾ കലോൽസവത്തിൻ്റെ  പ്രധാന വേദിയുടെ പന്തൽ കാൽ നാട്ടൽ ചടങ്ങ്  വെള്ളിയാഴ്ച (ഡിസംബർ 16) രാവിലെ 9 മണിക്ക് നടക്കും. സ്വാഗത സംഘം ചെയർമാനും പൊതുമരാമത്ത് ടൂറിസം വകുപ്പ് മന്ത്രിയുമായ  പി എ മുഹമ്മദ്‌ റിയാസ് കാൽ നാട്ടൽ കർമ്മം നിർവ്വഹിക്കും.

സ്വാഗതസംഘം വർക്കിങ് ചെയർമാൻ തോട്ടത്തിൽ രവീന്ദ്രൻ എം എൽ എ, സ്റ്റേജ് – പന്തൽ കമ്മിറ്റി ചെയർമാൻ ഡോ എം കെ മുനീർ എം എൽ എ എന്നിവർ സംബന്ധിക്കും.  വിവിധ കമ്മിറ്റി ചെയർമാന്മാർ, കൺവീനർമാർ, വകുപ്പ് ഉദ്യോഗസ്ഥർ തുടങ്ങിയവർ പങ്കെടുക്കും.