കൊയിലാണ്ടി: സമര സഖാക്കള്‍ക്ക് യാത്രയപ്പ് സമ്മേളനം കര്‍ഷക സംഘം സംസ്ഥാന ജോ: സെക്രട്ടറി പി വിശ്വന്‍ ഉദ്ഘാടനം ചെയ്തു. ഏരിയാ പ്രസിഡണ്ട് എ. എം സുഗതന്‍ പരിപാടിയില്‍ അധ്യക്ഷം വഹിച്ചു. സമരത്തില്‍ പങ്കെടുക്കുന്ന കര്‍ഷക സംഘം കൊയിലാണ്ടി ഏരിയാ കമ്മറ്റി അംഗങ്ങളായ ഇ അനില്‍കുമാര്‍, എം കൃഷ്ണന്‍, പി കെ പ്രസാദ് എന്നിവരാണ് ദല്‍ഹിയില്‍ നടക്കുന്ന കര്‍ഷക സമരത്തില്‍ പങ്കെടുക്കാന്‍ വേണ്ടി പോകുന്നത്.
കര്‍ഷക സംഘം സംസ്ഥാന കമ്മറ്റി അംഗം കെ ഷിജു, ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ്, ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍, പി കെ ഭരതന്‍, പി സി സതീഷ് ചന്ദ്രന്‍ എന്നിവര്‍ അഭിവാദ്യം അര്‍പ്പിച്ച് സംസാരിച്ചു. പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ്, ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍, പി സി സതീഷ് ചന്ദ്രന്‍ എന്നിവര്‍ സമര സഖാക്കളെ ഷാള്‍ അണിയിച്ചു. യൂ സന്തോഷ് കുമാര്‍ സ്വാഗതവും ശാന്ത കളമുള്ള കണ്ടി നന്ദിയും പ്രകടിപ്പിച്ചു.
