ലോകക്ഷീര ദിനാചരണം; വിദ്യാർഥികൾക്കായി മത്സരം നടത്തുന്നു

ജൂൺ ഒന്ന് ലോകക്ഷീര ദിനാചരണത്തിന്റെ ഭാഗമായി മേയ് 26, 27 തീയതികളിൽ കോഴിക്കോട് ക്ഷീര പരിശീലന കേന്ദ്രത്തിൽ വിദ്യാർഥികൾക്കായി വിവിധ മത്സരങ്ങൾ സംഘടിപ്പിക്കുന്നു. എൽ.പി, യു.പി. ഹൈസ്കൂൾ, ഹയർസെക്കൻഡറി വിഭാ​ഗക്കാർക്കായി ചിത്രരചന, ക്വിസ് മത്സരങ്ങൾ ഉണ്ടായിരിക്കും. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ വിദ്യാർഥികൾക്ക് പങ്കെടുക്കാം. മത്സരാർഥികൾ സ്‌കൂളിന്റെ സാക്ഷ്യപത്രം, ക്ലാസ് എന്നിവ തെളിയിക്കുന്ന രേഖ ഹാജരാക്കണം. പങ്കെടുക്കുന്നവർ 24 ന് വൈകീട്ട് അഞ്ചിനകം രേഖാമൂലമോ, 0495-2414579 എന്ന ഫോൺ മുഖേനയോ dd-dtc-kkd.dairy@kerala.gov.in ഇ-മെയിൽ മുഖേനയോ രജിസ്റ്റർ ചെയ്യണം.