തലശ്ശേരി ന്യൂമാഹി പുന്നോലിൽ കൊല്ലപ്പെട്ട സിപിഎം പ്രവർത്തകൻ പുന്നോലിൽ ഹരിദാസിന്റെ സംസ്കാരം വീട്ടുവളപ്പില്‍ നടന്നു. പാര്‍ട്ടി പ്രവര്‍ത്തകര്‍ ഏറ്റുവാങ്ങിയ മൃതദേഹത്തില്‍ ആയിരങ്ങള്‍ അന്ത്യാഞ്ജലി അര്‍പ്പിച്ചു. ഹരിദാസ് വധത്തെ തുടർന്ന് തലശേരിയിലും പരിസരത്തും പൊലീസ്സു രക്ഷ ശക്തമാക്കി . തുടര്‍ അക്രമങ്ങള്‍ ഒഴിവാക്കാന്‍ അതീവ ജാഗ്രത, കേസിൽ ഏഴുപേരെ കസ്റ്റഡിയിലെടുത്തു ആയുധങ്ങളും കണ്ടെടുത്തു. ഹരിദാസിന്റെ ശരീരത്തില്‍ ഇരുപതിധികം വെട്ടേറ്റിരുന്നതായി ഇന്‍ക്വസ്റ്റ് റിപ്പോര്‍ട്ട്. കസ്റ്റഡിയിലായവരെ സംബന്ധിച്ചുള്ള വിവരങ്ങള്‍ പോലീസ് പുറത്തുവിട്ടിട്ടില്ല. നേരത്തെ പ്രദേശത്ത് ഉണ്ടായ സംഘര്‍ഷത്തില്‍ ഉള്‍പ്പെട്ടിരുന്നവരെയാണ് പോലീസ് അറസ്റ്റ് ചെയ്തിരിക്കുന്നതെന്നാണ് വിവരം.പ്രകോപനപരമായ പ്രസംഗം നടത്തിയ ബി.ജെ.പി മണ്ഡലം പ്രസിഡന്റും നഗരസഭാ കൗണ്‍സിലറുമായ ലിജേഷിനെ കസ്റ്റഡിയിലെടുക്കുമെന്നും പോലീസ് വ്യക്തമാക്കി. കസ്റ്റഡിയിലെടുത്തവരില്‍ നിന്നും സംഭവത്തിന്റെ ദൃക്സാക്ഷിയായ ഹരിദാസന്റെ സഹോദരനില്‍ നിന്നും പ്രതികളെ കുറിച്ചുള്ള വിവരങ്ങള്‍ ശേഖരിക്കുകയാണ് പോലീസ്.
