പാലക്കാട് മണ്ണാര്‍ക്കാട് തിരുവിഴാംകുന്നില്‍ പതിനാറുകാരിയെ കൊലപ്പെടുത്താന്‍ ശ്രമം. പെണ്‍കുട്ടിയുടെ കഴുത്തില്‍ തോര്‍ത്തിട്ട് മുറുക്കി കൊലപ്പെടുത്താനായിരുന്നു ശ്രമം. ഗുരുതരാവസ്ഥയിലുള്ള പെണ്‍കുട്ടി പെരിന്തല്‍മണ്ണയിലെ ആശുപത്രിയില്‍ ചികിത്സയിലാണ്.
സംഭവത്തില്‍ അയല്‍വാസിയായ ജംഷീറിന് വേണ്ടി പൊലീസ് അന്വേഷണമാരംഭിച്ചു. ആരോഗ്യനില വീണ്ടെടുത്ത ശേഷം പെണ്‍കുട്ടിയുടെ മൊഴി രേഖപ്പെടുത്തും. പുലര്‍ച്ചെ മൂന്ന് മണിയോടെയാണ് കൊലപാതക ശ്രമം. സംഭവ സമയത്ത് പെണ്‍കുട്ടിയും മുത്തശ്ശിയും അനിയനുമാണ് വീട്ടില്‍ ഉണ്ടായിരുന്നത്. മുറിയില്‍ നിന്നു ശബ്ദം കേട്ട് എത്തിയ മുത്തശ്ശിയാണ് പ്രതിയെ തിരിച്ചറിഞ്ഞത്.
Comments
