61ാമത് കോഴിക്കോട് റവന്യൂ ജില്ലാ കലോത്സവത്തിന്റെ ലോഗോ പ്രകാശനം ചെയ്തു. നവംബർ 26, 28, 29, 30 ഡിസംബർ 1 തീയതികളിൽ വടകരയിൽ വെച്ച് നടക്കുന്ന കലോത്സവത്തിന്റെ ലോഗോ വടകര എംഎൽഎ കെ കെ രമ പ്രകാശനം ചെയ്തു.
വടകര മുനിസിപ്പൽ ചെയർപേഴ്സൺ കെ പി ബിന്ദു അധ്യക്ഷയായി. വിദ്യാഭ്യാസ ഉപഡയറക്ടർ മനോജ് മണിയൂർ, മാധ്യമ, പ്രചാരണ കമ്മിറ്റി ചെയർപേഴ്സൺ എ പ്രേമകുമാരി കൺവീനർ കെ പി അനിൽകുമാർ, അജിത ചീരാം വീട്ടിൽ, വടകര ബിപിസി വിവി വിനോദ്, വടയക്കണ്ടി നാരായണൻ, പി കെ പ്രവീൺകുമാർ, രാജീവൻ പറമ്പത്ത്, വീവി രഗീഷ്, മനോജ് മുതുവന, ആർ രൂപേഷ്, സിസ്റ്റർ മരിയ ബെല്ല, എം എ അന്നപൂർണ്ണ തുടങ്ങിയവർ സംബന്ധിച്ചു.
ലഭിച്ച 30 ലോഗോകളിൽ നിന്നും രാംദാസ് വടകര, രമേശ് രഞ്ജനം എന്നിവർ അടങ്ങിയ വിധികർത്താക്കളുടെ പാനൽ ആണ് ലോഗോ തെരഞ്ഞെടുത്തത്. പാലോറ ഹയർസെക്കൻഡറി സ്കൂളിലെ ചിത്രകലാ അധ്യാപകനായ പി സതീഷ് കുമാർ രൂപകൽപ്പന ചെയ്ത ലോഗോ ആണ് തെരഞ്ഞെടുക്കപ്പെട്ടത്.
