പരിശോധനയ്ക്ക് അയച്ച 20 സാമ്പിളുകൾ കൂടി നെഗറ്റീവ് ആയതായി ആരോഗ്യ മന്ത്രി വീണ ജോർജ് അറിയിച്ചു. ഇതോടെ ഹൈ റിസ്കിൽ പെടുന്ന 30 പേർക്ക് രോഗമില്ലെന്ന് സ്ഥിരീകരിച്ചു. 21 പേരുടെ ഫലങ്ങൾ കൂടി ഇനി വരാനുണ്ട്.
മെഡിക്കൽ കോളേജിൽ പരിശോധിച്ച 15 സാമ്പിളുകളും പുണെ എൻഐവിയിൽ പരിശോധിച്ച അഞ്ച് സാമ്പിളുകളുമാണ് നെഗറ്റീവായത്. മരിച്ച മുഹമ്മദ് ഹാഷിമിൻ്റെ അടുത്ത് സമ്പർക്കത്തിലായിരുന്ന 30 പേരുടെയും പരിശോധനാ ഫലങ്ങളാണ് ഇതുവരെ നെഗറ്റീവ് ആയത്.
68 പേർ കോഴിക്കോട് മെഡിക്കൽ കോളേജിൽ ഐസൊലേഷനിൽ കഴിയുന്നുണ്ട്. ഇന്നലെ രാത്രി 10 പേരെ കൂടി ആശുപത്രിയിൽ പ്രവേശിപ്പിച്ചു. രോഗലക്ഷണങ്ങൾ ഉള്ളവർ ഉൾപ്പടെ എല്ലാവരുടെയും ആരോഗ്യസ്ഥിതി തൃപ്തികരമാണ്.
ജീവികളിൽ നിന്നും സാമ്പിൾ ശേഖരിക്കുന്ന കാര്യത്തിൽ ഏകോപനം ഉറപ്പാക്കും. ഭോപാലിലെ എൻഐവി ലാബിൽ നിന്നുള്ള സംഘം അടുത്ത ദിവസം കോഴിക്കോട് എത്തി ജീവികളിൽ നിന്ന് സാമ്പിളുകൾ സ്വീകരിക്കുമെന്നും മന്ത്രി പറഞ്ഞു. നിപയെ തുടർന്ന് ഏർപെടുത്തിയിരിക്കുന്ന നിയന്ത്രണങ്ങൾ ഏത് രീതിയിൽ തുടരണമെന്ന് ചർച്ചക്ക് ശേഷം തീരുമാനിക്കും
Comments
