കൊയിലാണ്ടി: നന്തിയിൽ മേൽപ്പാലത്തിനു സമീപം കാറും ലോറിയും കൂട്ടിയിടിച്ച് അപകടം. കാറിലുണ്ടായിരുന്ന കാപ്പാട് സ്വദേശി സജയനെ മെഡിക്കല്‍കോളേജില്‍ പ്രവേശിപ്പിച്ചു.
അപകടത്തിനിടയിൽ കാറിൻ്റെ ഭാഗങ്ങൾ തെറിച്ച് വീണ് ബൈക്ക് യാത്രക്കാരനായ കോട്ടക്കൽ സ്വദേശി മുസഫിറിനെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. കാർ പൂർണ്ണമായും തകർന്നു. തൂത്തുക്കുടിയിൽ നിന്നും ഉപ്പും കയറ്റി വരുകയായിരുന്നു ലോറി. ഗതാഗത തടസ്സത്തെ തുടർന്ന് ദേശീയപാതയില്‍ വാഹനങ്ങള്‍ വഴി തിരിച്ചു വിട്ടു.
Comments
