Uncategorized
സില്‍വര്‍ ലൈന്‍ പദ്ധതിക്ക് ഭൂമി ഏറ്റെടുക്കാന്‍ 11 ജില്ലകളിലുണ്ടായിരുന്ന ഓഫീസുകൾ പൂട്ടി
സില്‍വര്‍ ലൈന്‍ പദ്ധതിക്ക് ഭൂമി ഏറ്റെടുക്കാന്‍ 11 ജില്ലകളിലുണ്ടായിരുന്ന സ്‌പെഷ്യല്‍ തഹസില്‍ദാര്‍ ഓഫീസുകളും എറണാകുളത്തെ ഡെപ്യൂട്ടി കളക്ടര്‍ ഓഫീസും പൂട്ടി. പൊതുമരാമത്ത് വകുപ്പിന്റെയും കിഫ്ബിയുടെയും മറ്റും പദ്ധതികള്‍ക്ക് ഭൂമി ഏറ്റെടുക്കാനുള്ള ചുമതലയാണ് പുനര്‍വിന്യസിച്ച ഓഫീസുകള്‍ക്കു നല്‍കിയത്. സില്‍വര്‍ ലൈന്‍ സ്ഥലമെടുപ്പ് ഓഫീസുകളിലുണ്ടായിരുന്ന 205 തസ്തികകളും പുതിയ ഓഫീസുകളിലേക്കു മാറ്റി.
2021 ഓഗസ്റ്റ് 18-നാണ് കേരള റെയില്‍ ഡെവലപ്പ്മെന്റ് കോര്‍പ്പറേഷനിലേക്ക് (കെ-റെയില്‍) റവന്യൂ വകുപ്പിലെ 205 തസ്തികകള്‍ മാറ്റിക്കൊണ്ടുള്ള സര്‍ക്കാര്‍ ഉത്തരവിന് ഈ വര്‍ഷം ഓഗസ്റ്റ് 18 വരെ തസ്തികകള്‍ക്ക് തുടര്‍ച്ചാഅനുമതിയുണ്ട്. എന്നാല്‍, പദ്ധതിക്ക് കേന്ദ്രാനുമതി ലഭിക്കില്ലെന്നു വ്യക്തമായതിനാല്‍ സര്‍ക്കാര്‍ കഴിഞ്ഞ നവംബറില്‍ പുനര്‍വിന്യാസത്തിന് ലാന്‍ഡ് റവന്യൂ കമ്മിഷണര്‍ക്ക് നിര്‍ദേശം നല്‍കി.
തിരുവനന്തപുരം, കൊല്ലം, കോട്ടയം ജില്ലകളിലെ സ്‌പെഷ്യല്‍ തഹസില്‍ദാര്‍ ഓഫീസുകള്‍ തിരുവനന്തപുരത്തെ ഔട്ടര്‍ റിങ് റോഡിന്റെ ഭൂമി ഏറ്റെടുക്കല്‍ യൂണിറ്റുകളാക്കി. പത്തനംതിട്ട ജില്ലാ ഓഫീസ് കിഫ്ബി ഭൂമി ഏറ്റെടുക്കല്‍ ഓഫീസാക്കി.
Comments
