KERALAUncategorized
ബാങ്ക് അക്കൗണ്ടുകൾ വ്യാപകമായി മരവിപ്പിക്കുന്നുവെന്ന പരാതിയിൽ എന്താണ് സംഭവിക്കുന്നതെന്ന് പരിശോധിച്ച് റിപ്പോർട്ട് സമർപ്പിക്കാൻ ഹൈക്കോടതി നിർദേശം
ബാങ്ക് അക്കൗണ്ടുകൾ വ്യാപകമായി മരവിപ്പിക്കുന്നുവെന്ന പരാതിയിൽ എന്താണ് സംഭവിക്കുന്നതെന്ന് പരിശോധിച്ച് റിപ്പോർട്ട് സമർപ്പിക്കാൻ ഹൈക്കോടതി നിർദേശം.സംസ്ഥാന പോലീസ് മേധാവിയോടാണ് ജസ്റ്റിസ് വിജു എബ്രാഹാം റിപ്പോർട്ട് തേടിയിരിക്കുന്നത്.
സിആർപിസി 102 പ്രകാരം നടപടിക്രമങ്ങൾ പാലിച്ചല്ലാതെ എങ്ങനെയാണ് ബാങ്ക് അക്കൗണ്ടുകൾ മരവിപ്പിക്കുന്നതെന്ന് കോടതി ചോദിച്ചു. അക്കൗണ്ടുകൾ മരവിപ്പിച്ച ആറ് പേർ നൽകി ഹര്‍ജിയാണ് കോടതി പരിഗണിച്ചത്. മുന്നറിയിപ്പില്ലാതെ അക്കൗണ്ടുകൾ മരവിപ്പിച്ചാൽ ജനങ്ങൾ എങ്ങനെ ജീവിക്കുമെന്നും കോടതി ആരാഞ്ഞു.
ബാങ്ക് അക്കൗണ്ടുകൾ പരാതിയുടെ പേരിൽ പോലീസ് നിർദേശം ചൂണ്ടികാട്ടി സംസ്ഥാനത്തുടനീളം മരവിപ്പിച്ചതായി ഹര്‍ജിക്കാർ കോടതിയെ അറിയിച്ചു. അക്കൗണ്ട് മരവിപ്പിക്കണമെങ്കിൽ കുറ്റക്യത്യവുമായി അക്കൗണ്ട് ഉടമയ്ക്ക് നേരിട്ട് ബന്ധം വേണം. മുൻകൂട്ടി നോട്ടീസ് നൽകണം, അന്വേഷണം നടക്കണം എന്നതടക്കമുള്ള നിയമപരമായ കാര്യങ്ങൾ പാലിച്ചല്ല അക്കൗണ്ടുകൾ മരവിപ്പിച്ചതെന്നും ഹര്‍ജിക്കാര്‍ ചൂണ്ടിക്കാട്ടി.
Comments
