സംസ്ഥാനത്തെ 108 ആംബുലൻസ് സർവീസ് കടുത്ത സാമ്പത്തിക പ്രതിസന്ധിയിലേക്ക്. നടത്തിപ്പു ചെലവിനുളള പണം കേരള മെഡിക്കൽ സർവീസസ് കോർപറേഷൻ ലിമിറ്റഡ് തുടർച്ചയായി നൽകാതിരിക്കുന്നതാണ് പുതിയ സാമ്പത്തിക പ്രതിസന്ധിക്ക് കാരണം. ദൈനംദിന ചെലവുകൾക്കും ശമ്പളത്തിനും പണമില്ല. ആംബുലൻസുകളുടെ നടത്തിപ്പ് ചുമതലയുളള ഇഎംആർഐ ഗ്രീൻ ഹെൽത്ത് സർവീസസ് കോർപറേഷന് പലതവണ കത്ത് നൽകിയെങ്കിലും പണം നൽകിയിട്ടില്ലെന്ന് പരാതി.
316 ആംബുലൻസുകളാണ് കേരളത്തിൽ നിലവിൽ പ്രവർത്തിക്കുന്നത്. ഇഎംആർഐ ഗ്രീൻ ഹെൽത്ത് സർവീസസിന്റെ കരാർ അടുത്ത വർഷം അവസാനിക്കും. ശമ്പളം വൈകുന്നത് തുടർന്നാൽ സമരം തുടങ്ങാൻ തൊഴിലാളി സംഘടനയായ സിഐടിയു തീരുമാനിച്ചിട്ടുണ്ട്.
Comments
