ഡിസംബർ 08 മുതൽ 15 വരെ തിരുവനന്തപുരത്ത് വച്ച് നടക്കുന്ന 28-ാമത് അന്താരാഷ്‌ട്ര ചലച്ചിത്രമേളക്കുള്ള ഡെലിഗേറ്റ് പാസുകൾക്ക് നിരക്ക് വർധിക്കും. 18 ശതമാനം ജിഎസ്ടി ഉൾപ്പെടുത്തുന്നതാണ് നിരക്കിൽ വർനവുണ്ടാകാൻ കാരണം. പ്രവേശന പാസിന് 1000 രൂപയും വിദ്യാർത്ഥികൾക്ക് 500 രൂപയാണ് നിലവിലെ നിരക്ക്. നികുതി ഉൾപ്പെടുത്തുന്നതോടെ അത് 1180 രൂപ, 590 രൂപ എന്നിങ്ങനെയാവും.
ഷെഡ്യൂൾ, ഫെസ്റ്റിവൽ ബുക്ക്, തിരിച്ചറിയൽ കാർഡ്, തുടങ്ങിയവ ഉൾപ്പെട്ട കിറ്റ് മേളയിൽ പങ്കെടുക്കുന്നവർക്ക് ലഭ്യമാക്കാറുണ്ട്.
നികുതിയടക്കമുള്ള വരുമാനങ്ങളിൽ നിന്ന് സർക്കാർ ഗ്രാന്റായി നൽകുന്ന പണമാണ് സാധാരണയായി ചലച്ചിത്രമേളയുടെ നടത്തിപ്പിന് ഉപയോഗപ്പെടുത്തുന്നത്. ഈ നികുതി പണത്തിന് തന്നെ നികുതി അടക്കേണ്ട അവസ്ഥയാണ്. അതേസമയം നികുതി ഉൾപ്പെടുത്തുന്നതിനോട് ചലച്ചിത്ര അക്കാദമി അതൃപ്തി അറിയിച്ചിരിക്കുകയാണ്.
Comments
