തിരുവനന്തപുരം: ക്രിസ്തുമസ് പുതുവത്സരത്തിലെ തിരക്ക് കണക്കിലെടുത്ത് പ്രത്യേക സർവ്വീസുമായി കെഎസ്ആർടിസി. കേരളത്തിന്റെ വിവിധ ഇടങ്ങളിൽ നിന്നും ബാംഗ്ലൂർ-ചെന്നൈ എന്നിവിടങ്ങളിലേക്കാണ് കെ എസ് ആർ ടി സി സ്പെഷ്യൽ സർവ്വീസ് ഒരുക്കിയിരിക്കുന്നത്. ക്രിസ്തുമസ് പുതുവത്സര അവധികളോടനുബന്ധിച്ച് അയൽ സംസ്ഥാനങ്ങളിൽ നിന്നും കേരളത്തിലേക്ക് എത്തുന്ന യാത്രക്കാരുടെ സൗകര്യമനുസരിച്ചാണ് സർവ്വീസുകൾ ക്രമീകരിച്ചിരിക്കുന്നതെന്ന് കെഎസ്ആർടിസി അധികൃതർ വ്യക്തമാക്കി.
ഡിസംബർ 20 മുതൽ ജനുവരി മൂന്നു വരെയാണ് അധിക സർവ്വീസുകൾ ക്രമീകരിച്ചിരിക്കുന്നത്. www.onlineksrtcswift.com എന്ന ഓൺലൈൻ വെബ്സൈറ്റും ente ksrtc neo oprs എന്ന മൊബൈൽ ആപ്പുവഴിയും ടിക്കറ്റുകൾ നേരത്തെ ബുക്ക് ചെയ്യാനുള്ള സൗകര്യവും ഒരുക്കിയിട്ടുണ്ട്. യാത്രക്കാരുടെ തിരക്കനുസരിച്ച് കൂടുതൽ സർവീസുകൾ സജ്ജീകരിക്കുമെന്നും കെഎസ്ആർടിസി അറിയിച്ചിട്ടുണ്ട്.
കൂടുതൽ വിവരങ്ങൾക്ക്: കെ എസ് ആർ ടി സി തിരുവനന്തപുരം – ഫോൺനമ്പർ- 0471 2323886, എറണാകുളം -ഫോൺ നമ്പർ – 0484 2372033, കോഴിക്കോട് – ഫോൺ നമ്പർ – 0495 2723796, കണ്ണൂർ- ഫോൺ നമ്പർ – 0497 2707777 എന്നീ ഫോൺ നമ്പരുകളിൽ ബന്ധപ്പെടാവുന്നതാണെന്ന് അധികൃതർ അറിയിച്ചു.
