കൊയിലാണ്ടി: കുറുവങ്ങാട് ലീലാ സദനിൽ ഉണ്യേപ്പൻ കണ്ടി ദാമോദരൻ അടിയോടി (യു കെ ഡി 78) നിര്യാതനായി. കൊയിലാണ്ടി നഗരസഭാ വൈസ് ചെയർമാൻ, കുറുവങ്ങാട് സൗത്ത് യു പി സ്കൂൾ പ്രധാന അദ്ധ്യാപകൻ, സി പി എം കൊയിലാണ്ടി ഏരിയാ കമ്മറ്റി അംഗം, കെ പി ടി യു ജില്ലാ സിക്രട്ടറി, കെ എസ് ടി എ സംസ്ഥാന കമ്മിറ്റി അംഗം, ജില്ലാ പ്രസിഡണ്ട്. കർഷക സംഘം ജില്ലാക്കമ്മിറ്റി അംഗം, കുറുവങ്ങാട് മാവിൻചുവട് റസിഡൻസ് അസോസിയേഷൻ പ്രസിഡൻ്റ്, കൊയിലാണ്ടി താലൂക്ക് കാർഷിക ഭൂപണയ സഹകരണ ബാങ്ക് വൈസ് പ്രസിഡണ്ട് എന്നീ നിലകളിൽ പ്രവർത്തിച്ചു. നിലവിൽ സി പി എം കുറുവങ്ങാട് സൗത്ത് ബ്രാഞ്ച് അംഗമാണ്‌.
ഭാര്യ കെ ലീല, (റിട്ടയേഡ് ടീച്ചർ കുറുങ്ങാട് സൗത്ത് യു പി സ്കൂൾ). മക്കൾ അനിത (കൊടിയത്തൂർ ഹൈസ്കൂൾ), അഖില, (അഡ്വക്കറ്റ് കൊയിലാണ്ടി) അജിന,(ഡെന്റൽ സർജൻ പേരാമ്പ്ര). മരുമക്കൾ മനോജ് (റിട്ട. ഡി ഇ ഒ കോഴിക്കോട്) വിജയകൃഷ്ണൻ (അഡ്വക്കറ്റ് കൊയിലാണ്ടി) സുനിൽ (ഡെന്റൽ സർജൻ പേരാമ്പ്ര). എളാട്ടേരിയിലെ ഉണ്യേപ്പൻ കണ്ടിയിൽ പരേതരായ നാരായണൻ നായരുടേയും കുഞ്ഞിയമ്മയുടേയും മകനാണ്. സഹോദരങ്ങൾ യു കെ രാഘവൻ, യു കെ പത്മനാഭൻ, യു കെ ബാലകൃഷ്ണൻ, യു കെ ഭാസ്കരൻ. സംസ്കാരം വൈകീട്ട് നാല് മണിക്ക് വീട്ടുവളപ്പിൽ.
