കാപ്പാട്: കുടിവെള്ളത്തിന് പ്രയാസം അനുഭവിച്ച കണ്ണൻകടവ്‌ ഗവ. ഫിഷറീസ് എൽ.പി സ്കൂളിൽ റിയാദ് കെ.എം.സി.സി കൊയിലാണ്ടി മണ്ഡലം കമ്മിറ്റി നിർമിച്ചു നൽകിയ കുഴൽ കിണർ സമർപ്പണം മുസ്‌ലിം ലീഗ് കോഴിക്കോട് ജില്ലാ ജനറൽ സെക്രട്ടറി ടി.ടി ഇസ്മായിൽ നിർവഹിച്ചു.
ചടങ്ങിൽ ബ്ലോക്ക് പഞ്ചായത്ത് മെമ്പർ എം.പി മൊയ്‌ദീൻ കോയ അധ്യക്ഷനായി. വാർഡ് വികസന സമിതി കൺവീനർ എ.ടി ബിജു അംഗങ്ങളായ ടി.വി ചന്ദ്രഹാസൻ, പ്രജുമോൻ, പി.പി വാണി, ചേമഞ്ചേരി പഞ്ചായത്ത് മുസ്‌ലിം ലീഗ് ജനറൽ സെക്രട്ടറി ആലിക്കോയ തെക്കെയിൽ, കണ്ണൻകടവ്‌ ശാഖ മുസ്‌ലിം ലീഗ് പ്രസിഡന്റ് പി.കെ ഇമ്പിച്ചി അഹമ്മദ്, പി.ടി.എ പ്രസിഡന്റ് പി.പി ശരണ്യ സംസാരിച്ചു. പ്രധാനാധ്യാപകൻ ജോർജ് മാസ്റ്റർ സ്വാഗതവും നന്ദകുമാർ മാസ്റ്റർ നന്ദിയും പറഞ്ഞു.
Comments
