വിവിധ നിയോജക മണ്ഡലങ്ങളില് പ്രവര്ത്തനസജ്ജമായ 39 ഐസൊലേഷന് വാര്ഡുകളുടെ ഉദ്ഘാടനം ഫെബ്രുവരി ആറിന് മുഖ്യമന്ത്രി ഉദ്ഘാടനം ചെയ്യും
തിരുവനന്തപുരം: സംസ്ഥാനത്തെ വിവിധ നിയോജക മണ്ഡലങ്ങളില് പ്രവര്ത്തനസജ്ജമായ 39 ഐസൊലേഷന് വാര്ഡുകളുടെ ഉദ്ഘാടനം ഫെബ്രുവരി ആറിന് തിരുവനന്തപുരത്ത് മുഖ്യമന്ത്രി പിണറായി വിജയന് നിര്വഹിക്കും. ആരോഗ്യ വകുപ്പ് മന്ത്രി വീണാ ജോര്ജ് ചടങ്ങില് അധ്യക്ഷത വഹിക്കും. മന്ത്രിമാര്, അതത് മണ്ഡലങ്ങളിലെ എംഎല്എമാര്, മറ്റ് ജനപ്രതിനിധികള്, ഉദ്യോഗസ്ഥര് എന്നിവര് പങ്കെടുക്കും. കൊവിഡ് പോലെയുള്ള മഹാമാരികളും മറ്റ് പകര്ച്ചവ്യാധികളും നേരിടുന്നതിന് ആരോഗ്യ മേഖലയെ കൂടുതല് സജ്ജമാക്കുന്നതിന്റെ ഭാഗമായാണ് മള്ട്ടിപര്പ്പസിനായി എല്ലാ നിയോജക മണ്ഡലങ്ങളിലും ഐസൊലേഷന് വാര്ഡുകള് സജ്ജമാക്കുന്നതെന്ന് മന്ത്രി വീണാ ജോര്ജ് പറഞ്ഞു.
തിരുവനന്തപുരം ജില്ലയിലെ നേമം, കൊല്ലം ജില്ലയിലെ കുന്നത്തൂര്, ചടയമംഗലം, ആലപ്പുഴ ജില്ലയിലെ ആലപ്പുഴ, ഇടുക്കി ജില്ലയിലെ ഉടുമ്പന്ചോല, കോട്ടയം ജില്ലയിലെ കോട്ടയം, കടുത്തുരുത്തി, പൂഞ്ഞാര്, എറണാകുളം ജില്ലയിലെ പെരുമ്പാവൂര്, പിറവം, ആലുവ, തൃശൂര് ജില്ലയിലെ തൃശൂര്, ചാലക്കുടി, കൊടുങ്ങല്ലൂര്, കയ്പമംഗലം, ഗുരുവായൂര്, മണലൂര്, പുതുക്കാട്, പാലക്കാട് ജില്ലയിലെ നെന്മാറ, ഷൊര്ണൂര്, ചിറ്റൂര്, മലപ്പുറം ജില്ലയിലെ താനൂര്, തവനൂര്, കൊണ്ടോട്ടി, മലപ്പുറം, പൊന്നാനി, തിരൂരങ്ങാടി, കോഴിക്കോട് ജില്ലയിലെ കുറ്റ്യാടി, കൊടുവള്ളി, വടകര, കൊയിലാണ്ടി, തിരുവമ്പാടി, വയനാട് ജില്ലയിലെ സുല്ത്താന്ബത്തേരി, മാനന്തവാടി, കല്പ്പറ്റ, കണ്ണൂര് ജില്ലയിലെ തളിപ്പറമ്പ്, കല്യാശേരി, കാസര്ഗോഡ് ജില്ലയിലെ ഉദുമ, മഞ്ചേശ്വരം എന്നീ നിയോജക മണ്ഡലങ്ങളിലാണ് ഐസൊലേഷന് വാര്ഡുകള് സജ്ജമായത്.