ഇത്തവണയും ജില്ലാ കലോത്സവത്തിൽ മേള പെരുക്കമൊരുക്കി സംസ്ഥാനതലത്തിലേക്ക് ജി വി എച്ച് എസ് വിദ്യാർത്ഥികൾ കൊട്ടിക്കയറി
കൊയിലാണ്ടി: ഇത്തവണയും ജില്ലാ കലോത്സവത്തിൽ മേള പെരുക്കമൊരുക്കി സംസ്ഥാനതലത്തിലേക്ക് ജി വി എച്ച് എസ് വിദ്യാർത്ഥികൾ കൊട്ടിക്കയറി. കൊയിലാണ്ടി ജി വി എച്ച് എസ് വർഷങ്ങളായി കുത്തകയാക്കി വെച്ച ഹൈസ്കൂൾ വിഭാഗം ചെണ്ടമേള മത്സരത്തിൽ എ ഗ്രേഡും ഒന്നാം സ്ഥാനവും നില നിർത്തി. സബ് ജില്ലയിൽ നിന്നും അപ്പീലിലൂടെയാണ് ഇത്തവണ ജി വി എച്ച് എസ് ടീം ജില്ലയിലെത്തിയത്.
കളിപ്പുരയിൽ രവീന്ദ്രൻ്റെ കീഴിലുള്ള കൊരയങ്ങാട് വാദ്യസംഘത്തിലെ വിദ്യാർത്ഥികളായ ആദിത്യൻ്റെ നേതൃത്വത്തിൽ, അക്ഷയ്, അലൻ, ജനിൽ, സൂര്യജിത്ത്, ആര്യൻ എന്നിവരടങ്ങിയ സംഘമാണ് ഇത്തവണയും വിജയം കൊയ്തത്.
തായമ്പക വിദഗ്ദനായ വിഷ്ണു ജിഎസ്ൻ്റ ശിക്ഷണത്തിലാണ് ചെണ്ടമേളം അഭ്യസിച്ചത്. വർഷങ്ങളായി യാതൊരു പ്രതിഫലവുമില്ലാതെയാണ് ജി വി എച്ച് എസിന് വേണ്ടി കൊരയങ്ങാട് വാദ്യസംഘത്തിലെ വിദ്യാർത്ഥികൾക്ക് ചെണ്ടമേളത്തിൽ ഒന്നാം സ്ഥാനം നേടികൊടുക്കുന്നത്.
