ഒറ്റപ്പെടൽ കുട്ടികളുടെ മാനസികവൈകല്യത്തിന് കാരണമാകും. -പി. വത്സല

കുന്ദമംഗലം: ഒറ്റപ്പെടൽ കുട്ടികളുടെ മാനസികവൈകല്യത്തിന് കാരണമാക്കുമെന്നും കൂട്ടായ്മകളാണ് ഇതിന് പരിഹാരമെന്നും സാഹിത്യകാരി പി. വത്സല. സദയം ചാരിറ്റബിൾ ട്രസ്റ്റിന്റെ കുട്ടികളുടെ സംസ്ഥാനതലവേദിയായ ബാലസദയത്തിന്റെയും ബാലചിത്രരചനാ മത്സരത്തിന്റെയും ഉദ്ഘാടനം നിർവഹിച്ച് സംസാരിക്കുകയായിരുന്നു അവർ. കുട്ടികൾക്ക് പരസ്പരം ഒത്തുചേരാനും ചുറ്റുപാടും മനസ്സിലാക്കാനും രക്ഷിതാക്കൾ അവസരമൊരുക്കണമെന്നും അവർ പറഞ്ഞു. എം.കെ. രമേഷ് കുമാർ അധ്യക്ഷനായി. രവീന്ദ്രൻ കുന്ദമംഗലം, എം. പ്രമീളാ നായർ, സുനിൽ മുതുവന, സർവദമനൻ കുന്ദമംഗലം, കെ. ശശിധരൻ, ഉദയകുമാർ, വി.പി. സുരേഷ് കുമാർ, എൻ. ദിനേശൻ, എം. ജനാർദനൻ, എസ്. സുനിൽ എന്നിവർ സംസാരിച്ചു.