അസുഖബാധിതയായ അമ്മയെ പുഴയില് എറിഞ്ഞുകൊന്നു; മകന് അറസ്റ്റില്
ബെംഗളൂരു: യാദ്ഗിര് ജില്ലയില് അസുഖബാധിതയായ അമ്മയെ മകനും സുഹൃത്തും ചേര്ന്ന് പുഴയിലെറിഞ്ഞു കൊന്നു. യദ്രാമി താലൂക്കിലെ ബിരാല് സ്വദേശിയായ രചമ്മ ശരബന്ന യലിമെലി(61)യെയാണ് മകന് ഭീമശങ്കര് യലിമെലി ഭീമാ നദിയിലെറിഞ്ഞു കൊന്നത്. രചമ്മയുടെ മൃതദേഹം പുഴയില് കണ്ടതോടെ ഭീമശങ്കറിനെ പോലീസ് ചോദ്യം ചെയ്തപ്പോഴാണ് കൊലപാതക വിവരം പുറത്തറിഞ്ഞത്.
ചോദ്യം ചെയ്യലില് ഭീമശങ്കര് കുറ്റം സമ്മതിക്കുകയായിരുന്നു. അമ്മയ്ക്ക് അസുഖമായതിനാല് വീട്ടില്നിന്ന് ഒഴിവാക്കണമെന്ന് ഭാര്യ ആവശ്യപ്പെട്ടിരുന്നതായി ഭീമശങ്കര് പോലീസിന് മൊഴി നല്കി. അമ്മയുടെ ചികിത്സയ്ക്കായി പണം കണ്ടെത്താന് ബുദ്ധിമുട്ടിയിരുന്നുവെന്നും ഇതുസംബന്ധിച്ച് ഭാര്യയുമായി പലതവണ വഴക്കുണ്ടായിട്ടുണ്ടെന്നും ഭീമശങ്കര് പറഞ്ഞു.
Comments