കൊയിലാണ്ടി:സമുന്നതനായ കോൺഗ്രസ്സ് നേതാവും, മുൻ മന്ത്രിയും, കറകളഞ്ഞ മതേതര വാദിയുമായ ആര്യാടൻ മുഹമ്മദിന്റെ ദേഹവിയോഗത്തിൽ സർവ്വകക്ഷി യോഗം അഗാധമായ ദുഃഖവും, അനുശോചനവും രേഖപ്പെടുത്തി. മികച്ച സാമാജികനും കഴിവുറ്റ ഭരണാധികാരിയുമായ അദ്ദേഹം ഭാരതത്തിന്റെ സാംസ്കാരിക- പാരമ്പര്യത്തെ അഭിമാനത്തോടെ നെഞ്ചേറ്റുകയും ജനാധിപത്യ-മതേതര നിലപാടുകൾ ഉയർത്തിപ്പിടിക്കുകയും ചെയ്ത നേതാവാണന്നും യോഗം അഭിപ്രായപ്പെട്ടു. നഗരസഭാ പ്രതിപക്ഷ നേതാവ് പി രത്നവല്ലി ടീച്ചർ അദ്ധ്യക്ഷം വഹിച്ചു.
പി വി സത്യൻ, വി പി ഭാസ്കരൻ, അഡ്വ. എസ് സുനിൽ മോഹൻ, വി പി.ഇബ്രാഹിം കുട്ടി, കെ ടി എം. കോയ, അഡ്വ ടി കെ രാധാകൃഷ്ണൻ, വി ടി സുരേന്ദ്രൻ, റഷീദ് പുളിയഞ്ചേരി, ടി കെ നാരായണൻ, കെ പി വിനോദ് കുമാർ, എൻ മുരളീധരൻ എന്നിവർ സംസാരിച്ചു.
Comments
