ഇന്ധനവില വർദ്ധിപ്പിച്ച് ജനജീവിതം ദു:സ്സഹമാക്കുന്ന കേന്ദ്ര സർക്കാർ നടപടിയിൽ പ്രതിഷേധിച്ച് ജീവനക്കാരും അധ്യാപകരും ജില്ലാ താലൂക്ക് കേന്ദ്രങ്ങളിൽ എഫ് എസ് ഇ ടി ഒ നേതൃത്വത്തിൽ പ്രതിഷേധ ജ്വാല സംഘടിപ്പിച്ചു. കൊയിലാണ്ടി മിനി സിവിൽ സ്റ്റേഷനിൽ നടന്ന പരിപാടി കേരള എൻ ജി ഒ യൂണിയൻ ജില്ലാ സെക്രട്ടറിയേറ്റ് അംഗം എം പി ജിതേഷ് ശ്രീധർ ഉദ്ഘാടനം ചെയ്തു.
കെ എസ് ടി എ സബ് ജില്ലാ പ്രസിഡന്റ് ഗണേശ് കക്കഞ്ചേരി അധ്യക്ഷത വഹിച്ചു. എ കെ പി സി ടി എ ജില്ലാ സെക്രട്ടറി ഡോ സി പി സുജേഷ് സംസാരിച്ചു. കെ എസ് ടി എ സബ് ജില്ലാ സെക്രട്ടറി സി ഉണ്ണികൃഷ്ണൻ സ്വാഗതവും എൻ ജി ഒ യൂണിയൻ ഏരിയ പ്രസിഡന്റ് കെ മിനി നന്ദിയും പറഞ്ഞു.
Comments
