പേരാമ്പ്ര : പാലേരിയില്‍ ഓവുചാലിൽ കക്കൂസ് മാലിന്യം തള്ളിയത് പ്രതിഷേധത്തിനിടയാക്കി. തോട്ടത്താം കണ്ടി റോഡില്‍ താനിയോട്ട് ഭാഗത്താണ് മാലിന്യം തള്ളിയത്. കുറ്റ്യാടി ജലസേചന പദ്ധതി ഡിസ്ട്രിബ്യൂഷന്‍ കനാലിൽ നിന്നും വയലിലേക്ക് വെള്ളം തുറന്നു വിടുന്ന ഓവുചാലാണിത്. നാട്ടുകാർ കന്നുകാലികളെ കുളിപ്പിക്കാനും നനക്കാനും ഉയോഗിക്കുന്ന വെളളം ഇതോടെ ഉപയോഗശൂന്യമാകും. കക്കൂസ് മാലിന്യം തള്ളിയ സാമൂഹ്യ വിരുദ്ധർക്കെതിരെ കര്‍ശന നടപടി സ്വീകരിക്കണമെന്ന് നാട്ടുകാര്‍ പോലീസ് അധികൃതരോട് ആവശ്യപ്പെട്ടു.
Comments
